ཕའེ་ཟར་དང་ བ་ཡོ་ཨེན་ཊེག་གིས་ དུས་མཐུན་བཟོ་མི་ སྨན་ཁབ་ཀྱིས་ བི་ཀིའུ་ ༡.༡ གི གདོང་ལེན་ལུ་བརྡ་སྟོན།

རེའུ་ཊརཛ།
སྤྱི་ཟླ་ ༡༡ པའི་ཚེས་ ༡༨ ལུ་ ཕའེ་ཟར་དང་ ཁོང་གི་མཉམ་རོགས་ བ་ཡོ་ཨེན་ཊེག་གིས་ བཤད་དོ་བཟུམ་འབད་བ་ཅིན་ ཁོང་གིས་བཟོ་མི་ སྨན་ཁབ་དེ་གིས་ ན་ལོན་ཚུ་གི་ གཟུགས་སྟོབས་སྒྲིང་སྒྲིང་ཐལ་ཏེ་ ནད་འབུབ་བི་ཀིའུ་ ༡.༡ ཟེར་མི་ལུ་ ཧེ་མའི་སྨན་ཁབ་ལས་དྲགཔ་སྦེ་ གདོང་ལེན་འབད་ཚུགས་ཟེར་ཨིན་པས།
དེ་ཡང་ སྐྱེས་ལོ་ ༥༥ ཡན་ཆད་འབད་མི་ ཨོ་མི་ཀོ་རཱོན་གྱི་ སྨན་ཁབ་བཙུགས་མི་ཚུ་ལུ་ གཟུགས་ནང་གི་ ནད་ཐུབ་ནུས་པ་དེ་ ཧེ་མའི་སྨན་ཁབ་ལས་ ཧ་ལམ་གཉིས་ལྡབས་ཐོན་མི་དང་ཕྱདཔ་ད་ ད་རེས་ཀྱི་ སྨན་ཁབ་དེ་གིས་ ནད་ཐུབ་ནུས་པ་ དགུ་ལྡབས་ཐོན་ཚུགསཔ་ཨིན་པས།
ད་རེས་ ནད་འབུབ་བི་ཀུའི་༡.༡ དེ་ ཡུ་ཨེཛ་ལུ་ འཕྱེལ་འགྱོ་དོ་ཡོདཔ་ད་ གནམ་དགུན་གྱི་ དུས་ཚོད་ཁར་ ཡུ་རོབ་ལུ་ཡང་ འཕྱེལ་འགྱོ་ནི་བཟུམ་ཅིག་ཡོད་མི་ ནད་འབུབ་དེ་ ངོས་འཛིན་འབད་ནི་ལུ་ཡང་ ལཱ་ཁག་ཅིག་ཡོདཔ་ལས་ ཧེ་མ་ སྨན་ཁབ་བཙུགས་ཏེ་འབད་རུང་ གཟུགས་ཁར་འཇམ་ཏོང་ཏོ་སྦེ་ འབུ་དོ་ཡོདཔ་ཨིན་པས།
ཡུ་ཨེཛ་ལུ་ ནད་ཡམས་ཀོ་ཝིཌ་-༡༩ ཐོབ་མི་ཚུ་གི་གྲས་ལས་ བརྒྱ་ཆ་ ༢༤.༡ དེ་ཅིག་གི་རྩིས་ བི་ཨེ་༥ དང་ འབྲེལ་བ་ཡོད་མི་ ནད་འབུབ་ཀིའུ་༡.༡ ཟེར་མི་ ཐོབ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: