པ་ཀིཛ་ཏཱན་ལུ་ རང་སྲོག་བཅད་ཐོག་ལས་ རྫས་བམ་ཅིག་ གས་བཅུག་མིའི་ནང་ མི་གྲངས་ ༣ ལུ་ ཤི་རྐྱེན་དང་ ༢༣ ལུ་རྨ་སྐྱོན།

ཨེན་ཌི་ཊི་ཝི།

སྤྱི་ཟླ་ ༡༡ པའི་ཚེས་ ༣༠ ལུ་ པ་ཀིཛ་ཏཱན་གྱི་ ཁྲིམས་སྲུང་འགག་སྡེའི་ སྣུམ་འཁོར་ཊག་ཅིག་ལུ་ དམིགས་གཏད་བསྐྱེད་དེ་ རང་སྲོག་བཅད་ཐོག་ལས་ རྫས་བམ་ཅིག་ གས་བཅུག་མིའི་ནང་ མི་གྲངས་ ༣ ལུ་ ཤི་རྐྱེན་དང་ ༢༣ ལུ་ རྨ་སྐྱོན་བྱུང་ནུག།

དེ་ཡང་ ཨཕ་གྷ་ནིཛ་ཏཱན་གྱི་ ཏཱ་ལི་བཱན་ལས་ ཁ་དབྱེ་འགྱོ་མི་ པ་ཀིཛ་ཏཱན་ ཏེ་རིག་-ཨི་-ཏཱ་ལི་བཱན་ཟེར་མི་ སྡེ་ཚན་ཨིན་རུང་ སྤྱིར་བཏང་ཨིཛ་ལ་མིག་གི་ ལྟ་བ་དེ་ལུ་ དབྱེ་བ་མེདཔ་ཨིན་པས།

སྡེ་ཚན་དེ་གིས་ གནམ་བྱཱར་གྱི་སྐབས་ལུ་ ཨིཛ་ལ་མ་བཱད་དང་ཅིག་ཁར་ ཏན་ཏན་ག་ནི་ཡང་མེད་པའི་ ཟིང་འཁྲུག་བཀག་དམ་གྱི་ མོས་མཐུན་བྱུང་ཡོད་མི་དེ་ མཇུག་བསྡུ་དགོ་པའི་ ཁྱབ་བསྒྲགས་འབད་བའི་ཤུལ་ལུ་ རྒྱལ་ཁབ་མཐའ་དབུས་མེད་པར་ ལོག་སྟེ་ར་ གནོད་འཚུབ་བཀལ་ནི་ འགོ་བཙུགས་དགོ་པའི་ བཀོད་རྒྱ་བྱིན་ནུག་ཟེར་ བཀོད་འདུག་པའི་གནས་ཚུལ།