སྤྱི་ཚོགས་ཀྱི་ འཐུས་མི་ཚུ་གི་དོན་ལུ་ འགན་ཁུར་དང་ ཆེད་དུ་བཀོད་པའི་ སྣུམ་འཁོར་གྱི་ཐོབ་ལམ།

ནོར་བུ་བཟང་མོ།
རྒྱལ་ཡོངས་ཚོགས་སྡེ་གིས་ སྤྱི་ཚོགས་ཀྱི་ འཐུས་མི་ཚུ་གི་དོན་ལུ་ འགན་ཁུར་དང་ ཆེད་དུ་བཀོད་པའི་ སྣུམ་འཁོར་གྱི་ ཐོབ་ལམ་སྐོར་ལས་ དོན་ཚན་གསརཔ་ཅིག་ བཙུགས་དགོ་པའི་ གྲོས་འདེབས་ལུ་ རྒྱལ་ཡོངས་ཚོགས་འདུ་གིས་ ངོས་ལེན་མཛད་ནུག།
དོན་ཚད་དེ་དང་འཁྲིལཝ་ད་ སྤྱི་ཚོགས་ཀྱི་ འཐུས་མི་ཚུ་ལུ་ འགན་ཁུར་དང་ ཆེད་དུ་བཀོད་པའི་ སྣུམ་འཁོར་རེ་དང་ ཡང་ཅིན་ ཤོ་ཐེངས་གཅིག་གི་ སྣུམ་འཁོར་ཉོ་སྒྲུབ་གནང་སྦྱིན་གུ་ དེད་གཡོགཔ་དང་ སྣུམ་འཁོར་གྱི་མར་ཁུ་ དེ་ལས་ རྒྱུན་སྐྱོང་གི་འཐུས་ཚུ་ འཐོབ་ནི་ཨིན་པས།
ཨིན་རུང་ འགན་ཁུར་དང་ ཆེད་དུ་བཀོད་པའི་ སྣུམ་འཁོར་སྤྲོད་ནི་དང་ ཡང་ཅིན་ ཤོ་ཐེངས་གཅིག་གི་ གནང་སྦྱིན་སྤྲོད་ནི་ཨིན་ནའི་སྐོར་ལས་ གདམ་ཁ་དེ་ གཞུང་ལུ་ཡོདཔ་ཨིན་པས།
དཔྱད་ཡིག་གི་ དོན་ཚན་ ༦༣ པའི་ནང་ གཞུང་གིས་ བསྐྱར་གསོ་དང་ ཁུངས་ལྡན་མ་བཟོ་ཚུན་ལུ་ བཀོད་ཁྱབ་སྡེ་རིམ་ ༣ པ་ ཡན་ཆད་ལུ་ འགན་ཁུར་དང་ ཆེད་དུ་བཀོད་པའི་ སྣུམ་འཁོར་གྱི་ ཐོབ་ལམ་ཡོདཔ་སྦེ་ བཀོད་དེ་ཡོདཔ་ཨིན་པས།
དཔྱད་ཡིག་དེ་ནང་ རྒྱལ་ཡོངས་ཚོགས་སྡེའི་ ཁ་ཐུག་ལས་ གྲོས་འདེབས་ཁག་ ༡༢ བཀོད་མི་ཚུ་གི་གྲས་ལས་ བརྒྱུད་འབྲེལ་གྱི་འཐུས་མ་གཏོགས་ གྲོས་འདེབས་གཞན་ག་ར་ རྒྱལ་ཡོངས་ཚོགས་འདུ་གིས་ ངོས་ལེན་མཛད་ནུག།
དཔྱད་ཡིག་དེ་གུ་ ཚོགས་རྒྱན་བསྐྱུར་བའི་སྐབས་ལུ་ ཚོགས་བཞུགས་འཐུས་མི་ ༤༢ ག་ར་གིས་ ངོས་ལེན་ཡོད་པའི་ ཚོགས་རྒྱན་བསྐྱུར་འདུག་པའི་གནས་ཚུལ།

Please follow and like us: