རྒྱ་གར་ཡུ་པི་ལུ་ སྐྱེས་ལོ་ ༡༥ འབད་མི་ བུམོ་ཅུང་ཅིག་ དབང་བཙོང་འདོད་སྤྱོད་དང་ དམར་བསད།

ཨེན་ཌི་ཊི་ཝི།
རྒྱ་གར་ཡུ་པི་མངའ་སྡེའི་ མ་ཐུ་ར་རྫོང་ཁག་གི་ ཁྲིམས་སྲུང་འགག་སྡེའི་ ས་ཁོངས་ཀྱི་ གཡུས་ཚན་ཅིག་ནང་ མི་ངན་སྡེ་ཚན་ཅིག་གིས་ སྐྱེས་ལོ་ ༡༥ འབད་མི་བུམོ་ཅིག་ དབང་བཙོང་འདོད་སྤྱོད་འབད་བའི་ཤུལ་ལུ་ དམར་བསད་འབད་ནུག།
དེ་ཡང་ སྤྱི་ཟླ་ ༡༢ པའི་ཚེས་ ༢ ལུ་ ཕྱི་རོའི་ཆུ་ཚོད་ ༨.༣༠ དེ་ཅིག་ཁར་ སྐྱེས་ལོ་ ༩ འབད་མི་ མོ་རའི་ནུམོ་ཁྱིད་དེ་ ཁྱིམ་གྱི་སྦོ་ལོགས་ཁར་ཡོད་མི་ ནགས་ཚལ་ནང་ སེམས་ངལ་ཞི་ཐབས་ལུ་ བཤལ་བར་འགྱོཝ་ད་ ཕོ་སྐྱེས་ ༣ གྱིས་ དབང་བཙོང་འདོད་སྤྱོད་འབད་བའི་ཤུལ་ལུ་ སྐེ་བསྡམས་ཏེ་ དམར་བསད་འབད་ནུག་ཟེར་ ཁྲིམས་སྲུང་འགག་སྡེ་གིས་ བཤད་ཡོདཔ་ཨིན་པས།
དེ་བསྒང་ སྐྱེས་ལོ་ ༩ འབད་མི་ བུམོ་ཅུང་དེ་ བྱོག་ཐལ་ཡོདཔ་ལས་ ནང་མི་ཚུ་ལུ་ སླབ་པའི་ཤུལ་ལས་ གཡུས་མི་ཚུ་དང་བཅསཔ་སྦེ་ འཚོལ་བར་སོང་ཡོདཔ་བཞིན་དུ་ ཕོ་སྐྱེས་ ༢ འཛིན་བཟུང་འབད་དེ་ ཁྲིམས་སྲུང་འགག་སྡེ་ལུ་ རྩིས་སྤྲོད་ཐོག་ལས་ དོ་དམ་འོག་ལུ་ བཞག་ནུག་ཟེར་ བཀོད་འདུག་པའི་གནས་ཚུལ།

Please follow and like us: