ནེ་པཱལ་གྱི་ གཞུང་སྐྱོང་ཚོགས་པ་ ནེ་པཱ་ལི་ ཀོང་རེཛ་གིས་ འཕྲོ་མཐུད་དེ་ར་ གཞུང་སྐྱོང་ནི་གི་འོས་འབབ།

རོའི་ཊརཛ།
ནེ་པཱལ་ལུ་ སྤྱིར་བཏང་བཙག་འཐུའི་ནང་ལས་ ནེ་པཱ་ལི་ ཀོང་རེཛ་ཚོགས་པ་གིས་ སྤྱི་ཚོགས་ནང་ སྡོད་ཁྲི་ ༢༧༥ ལས་ ༨༩ ཐོབ་ཡོདཔ་བཞིན་དུ་ ཚོགས་པ་དེ་གི་འགོ་ཁྲིདཔ་ ཤེར་བྷ་དུར་ དེའུ་བ་དེ་ འཕྲོ་མཐུད་དེ་ར་ བློན་ཆེན་སྦེ་ གནས་ནི་བཟུམ་ཅིག་ཡོདཔ་ཨིན་པས།
ནེ་པཱ་ལི་ ཀོང་རེཛ་ཚོགས་པ་དེ་ སྲིད་ཚོགས་ ༥ མཉམ་བསྡོམས་འབད་མི་ ཚོགས་པ་ཅིག་ཨིནམ་ད་ ་ཚོགས་པ་དེ་གི་ གཞུང་སྐྱོང་གནས་ཡུན་དེ་ ན་ཧིང་ སྤྱི་ཟླ་ ༧ པའི་ནང་ལས་ འགོ་བཙུགས་ནུག།
སྤྱི་ཟླ་ ༡༢ པའི་ཚེས་ ༧ ལུ་ བཙག་འཐུ་ལྷན་ཚོགས་ཀྱིས་ རྩིས་ཐོ་བཏོན་མི་དང་འཁྲིལཝ་ད་ ཚོགས་རྒྱན་གྲངས་མང་གྱི་གྲས་ཁར་ ཚུད་ནིའི་དོན་ལས་ སྡོད་ཁྲི་ ༡༣༨ ཀྱི་ ཚོགས་རྒྱན་འཐོབ་དགོ་ས་ལས་ ནེ་པཱ་ལི་ ཀོང་རེཛ་གིས་ སྡོད་ཁྲི་ ༡༣༦ ཐོབ་སྟེ་ཡོདཔ་ཨིན་པས།
ནེ་པཱ་ལི་ ཀོང་རེཛ་ཚོགས་པའི་མགྲིན་ཚབ་ པར་ཀཤ་ཤ་རཱན་ མ་ཧཱཏ་གིས་ སྲིད་ཚོགས་གསརཔ་ ཇ་ན་མཱཏ་ཚོགས་པ་གིས་ སྡོད་ཁྲི་ ༦ གི་ ཚོགས་རྒྱན་ཐོབ་ཡོདཔ་ལས་ ཚོགས་པ་དེ་གིས་ གཞུང་གསརཔ་ལུ་ རྒྱབ་སྐྱོར་འབད་ནི་གི་ ཁས་ལེན་འབད་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: