ཀོ་རོ་ཤི་ཡ་གིས་ འཛམ་གླིང་རྒྱལ་རྟགས་ཀྱི་ རྐང་རིལ་རྩེད་འགྲན་ མཐའ་དཔྱད་འོག་མའི་ནང་ལས་ བ་ར་ཟིལ་གྱི་སྡེ་ཚན་ ཕམ་བཏང་ཡོདཔ།

བི་བི་སི།
ཀ་ཊར་ལུ་ འགོ་འདྲེན་འཐབ་པའི་བསྒང་ཡོད་མི་ འཛམ་གླིང་རྒྱལ་རྟགས་ཀྱི་ རྐང་རིལ་རྩེད་འགྲན་ བཞི་འགྲན་མཐའ་དཔྱད་ནང་ བ་ར་ཟིལ་དང་ ཀོ་རོ་ཤི་ཡ་ ༢ ཀྱི་བར་ན་ རྩེད་འགྲན་འབདཝ་ད་ རྒྱལ་ཕམ་ཕྱེ་མ་ཚུགས་པར་ པེ་ནཱལ་ཊི་ རྐྱབ་པའི་སྐབས་ལུ་ བ་ར་ཟིལ་དེ་ ཕམ་སོངཔ་ཨིན་པས།
དེ་ཡང་ དུས་ཡུན་སྐར་མ་ ༩༠ གི་རིང་ལུ་ ཕན་ཚུན་སྡེ་ཚན་གཉིས་ཆ་ར་གིས་ གཱོལ་བཙུགས་མ་ཚུགསཔ་ལས་ དུས་འཐེབ་སྐར་མ་ ༣༠ གྱི་རིང་ལུ་ རྩེད་འགྲན་འབདཝ་ད་ཡང་ གཱོལ་རེ་རེ་འདྲ་འདྲ་བཙུགས་ཏེ་ རྒྱལ་ཕམ་ཕྱེ་མ་ཚུགས་པ་ལུ་བརྟེན་ཏེ་ པེ་ནཱལ་ཊི་ རྐྱབ་པའི་སྐབས་ལུ་ གཱོལ་ ༤ དང་ ༢ སྦེ་ ཀོ་རོ་ཤི་ཡ་གིས་ རྒྱལ་ཁ་ཐོབ་ནུག།
ཀོ་རོ་ཤི་ཡའི་ སྡེ་ཚན་དེ་གིས་ སྤྱི་ཟླ་ ༡༢ པའི་ཚེས་ ༡༣ ལུ་ མཐའ་དཔྱད་རྩེད་འགྲན་འོག་མའི་ནང་ ནེ་དར་ལེན་དང་ ཨར་ཇེ་ཊི་ན་ གང་རུང་དང་གཅིག་ཁར་ རྩེ་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: