ཡུ་ཨེཛ་གི་སྲིད་འཛིན་ ཇཱོ་བའེ་ཌེན་གྱིས་ ཡུ་ཀེ་རེན་ལུ་ རྒྱབ་སྐྱོར་འཕྲོ་མཐུད་ཀྱི་ཁས་ལེན།

བི་བི་སི།
ཡུ་ཨེཛ་གི་སྲིད་འཛིན་ ཇཱོ་བའེ་ཌེན་གྱིས་ ཡུ་ཀེ་རེན་གྱི་སྲིད་འཛིན་ ཛོ་ལོ་ཌི་མིར་ ཟེ་ལེནཛ་ཀི་ལུ་ ར་ཤི་ཡ་དང་གཅིག་ཁར་ ཕྱད་མདའི་དུས་ཡུན་དེ་ ག་དེམ་ཅིག་ར་འགོར་རུང་ རྒྱབ་སྐྱོར་འཕྲོ་མཐུད་དེ་ར་ འབད་འོང་ཟེར་བཤད་ནུག།
ར་ཤི་ཡ་གིས་ ཡུ་ཀེ་རེན་ རྒྱལ་ཁབ་ནང་ དྲག་ཐོག་བཙན་འཛུལ་འབད་བའི་ཤུལ་ལས་ ཡུ་ཀེ་རེན་གྱི་ སྲིད་འཛིན་དེ་ ཕྱིའི་རྒྱལ་ཁབ་ཚུ་ནང་ འགོ་དང་པ་ འགྱོ་ནི་དང་འབྲེལ་ཏེ་ ཝ་ཡེཊི་ཧའུཛ་ལུ་ལྷོདཔ་ད་ ཇཱོ་བའེ་ཌེན་གྱིས་ ཟེ་ལེནཛ་ཀི་ལུ་ ཁྱོད་ར་རྐྱངམ་གཅིག་སྦེ་ དུས་ནམ་ཡང་ བཀོག་མི་བཞག་ཟེར་ བཤད་ཡོདཔ་ཨིན་པས།
ཡུ་ཨེཛ་གིས་ ཡུ་ཀེ་རེན་ལུ་ ཌོ་ལར་ཐེར་འབུམ་ ༢ གྲོགས་རམ་སྦེ་ བྱིན་ནི་སྦེ་ གཏན་འཁེལ་བཟོ་བའི་ཁར་ ད་རུང་ ཌོ་ལར་ཐེར་འབུམ་ ༤༥ ཡང་ གྲོགས་རམ་སྦེ་བྱིན་ནི་ཨིན་པའི་ ཁས་ལེན་འབད་ཡོདཔ་ལས་ ཟེ་ལེནཛ་ཀི་གིས་ དེ་སྦེ་ རྒྱབ་སྐྱོར་འབད་མི་ལུ་ བཀའ་དྲིན་ཆེ་ལུགས་ཚུ་ བཤད་ནུག་ཟེར་ བཀོད་འདུག་པའི་གནས་ཚུལ།

Please follow and like us: