ར་ཤི་ཡ་ལུ་ ཁྲིམས་འགལ་གྱི་ གཅེས་སྐྱོང་སྡོད་ཁྱིམ་ནང་ མེ་རྐྱེན་ལུ་བརྟེན་ཏེ་ མི་ ༢༠ ལུ་ཤི་རྐྱེན།

བི་བི་སི།
ར་ཤི་ཡའི་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ སའི་བེ་རི་ཡའི་ཁྲོམ་ ཀེ་མེ་རོ་བོ་ཟེར་སར་ མི་རྒན་རྒས་ཚུ་སྡོད་སའི་ སྡོད་ཁྱིམ་ལུ་ མེ་རྐྱེན་བྱུང་ཡོདཔ་ལས་ མི་ངོམ་ ༢༠ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ གཞན་མི་ ༦ ལུ་ཡང་ རྨ་སྐྱོན་བྱུང་ཡོདཔ་ཨིན་པས།
དེ་ཡང་ ཤིང་ཁྱིམ་ཐོག་ ༢ འབད་མིའི་ སྟེང་ཐོག་ལས་ ནུབ་ཅིག་གི་རིང་ལུ་ མེ་འབར་མི་དེ་གིས་ ཁྱིམ་ཧྲིལ་བུ་སྦེ་ར་ འཚིགས་ཡོདཔ་ད་ མི་རྒན་རྒས་ཀྱི་ སྡོད་ཁྱིམ་དེ་ ཁྲིམས་དང་མ་འཁྲིལ་བར་ ལག་ལེན་འཐབ་སྟེ་ཡོད་པའི་ ལོ་རྒྱུས་དང་ མེ་རྐྱེན་དེ་ཡང་ ཆུ་དྲོད་བཏགས་མི་ འཕྲུལ་ཆས་དེ་ ཚུལ་མཐུན་མེད་མི་ལུ་བརྟེན་ཏེ་ ཐོན་ཐོནམ་བཟུམ་ཅིག་འདུག་ཟེར་ཨིན་པས།
མི་རྐྱེན་དེ་དང་འབྲེལ་ཏེ་ གནོད་འགེལ་གྱི་ དབྱེ་ཞིབ་ཅིག་ འགོ་བཙུགས་ཡོདཔ་ད་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ར་ཤི་ཡའི་ རྒྱལ་ཁབ་མཐའ་དབུས་མེད་པར་ དེ་བཟུམ་མའི་ ཐོ་བཀོད་མ་གྲུབ་མི་ སྡོད་ཁྱིམ་ལེ་ཤ་ཅིག་ར་ ལག་ལེན་འཐབ་སྟེ་ཡོདཔ་ཨིན་པས།
ཨིན་རུང་ སྒེར་གྱི་རྒྱུ་དངོས་ཚུ་ བརྩི་འཇོག་ཐོག་ལས་ ཉེན་སྲུང་གི་ ཞིབ་དཔྱད་འབད་སྲོལ་མེདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: