རྒྱ་པཱན་གྱིས་ ར་ཤི་ཡ་དང་གཅིག་ཁར་ ཕྱིར་ཚོང་བཀག་ཆ་དམ་དྲགས།

རོའི་ཊརཛ།
སྤྱི་ཟླ་ ༡ པའི་ཚེས་ ༢༧ ལུ་ ཡུ་ཀེ་རེན་ རྒྱལ་ཁབ་ནང་ ར་ཤི་ཡ་གིས་ མི་ཛ་ཡེལ་ཐོག་ལས་ གནོད་འཚུབས་བཀལ་བའི་ཤུལ་ལུ་ རྒྱ་པཱན་གྱིས་ ར་ཤི་ཡ་ལུ་ ཕྱིར་ཚོང་གི་ཐོ་ནང་ ཅ་ཆས་ཚུ་ ཡང་བསྐྱར་ཁ་སྐོང་བཀལ་ཏེ་ ཕྱིར་ཚོང་འབད་ནི་ལས་ བཀག་ཆ་དམ་དྲགས་བཟོ་ནུག།
དེ་མ་ཚད་ ཇ་པཱན་ལུ་ཡོད་མི་ ར་ཤི་ཡའི་ འགོ་དཔོན་དང་ འདུས་ཚོགས་ཚུ་གི་ བདོག་གཏད་ཚུ་ཡང་ ལག་ལེན་འཐབ་ནི་ལས་ བཀག་དམ་འབད་ཡོདཔ་ཨིན་པས།
སྤྱི་ཟླ་ ༡ པའི་ཚེས་ ༢༦ ལུ་ ཇར་མ་ནི་དང་ ཡུ་ཨེཛ་གིས་ ཡུ་ཀེ་རེན་ལུ་ གོ་མཚོན་འཕྲུལ་ཆས་སྟོབས་ཅན་ཚུ་ བཏང་ནི་སྦེ་ ཁས་ལེན་འབད་བའི་ཤུལ་ལས་ ར་ཤི་ཡ་གིས་ ཡུ་ཀེ་རེན་ལུ་ མི་ཛ་ཡེལ་ བཏང་པ་ལུ་བརྟེན་ཏེ་ ཉུང་མཐའ་ར་ མི་གྲངས་ ༡༡ དེ་ཅིག་ལུ་ ཤི་རྐྱེན་བྱུང་པའི་ཤུལ་ལས་ རྒྱ་པཱན་གྱིས་ དེ་བཟུམ་མའི་ བཀག་ཆ་ཚུ་ ལག་ལེན་འཐབ་ནི་སྦེ་ གྲོས་ཐག་བཅད་ནུག།
དེ་ཡང་ ཇ་པཱན་གྱིས་ ར་ཤི་ཡའི་ ལས་ཚོགས་ ༤༩ ལུ་ ས་སྣུམ་འཚོལ་ཞིབ་ཀྱི་ ལག་ཆ་དང་ སྨན་རྫས་ཀྱི་རིགས་ དེ་ལས་ གློག་པར་ལག་ཆས་ཚུ་ སྤྱི་ཟླ་ ༢ པའི་ཚེས་ ༣ ལས་ བཀག་དམ་འབད་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: