ཤ་རུག་ཁཱན་གྱི་ གློག་བརྙན་པ་ཐཱན་ ཡོངས་གྲགས་ཅན་ཅིག་སྦེ་ འཐོན་དོ་ཡོདཔ།

བི་བི་སི།
རྒྱ་གར་གྱི་ གློག་བརྙན་ནང་ ཡོངས་གྲགས་ཅན་གྱི་ ཕོ་འཁྲབ་རྩེདཔ་ ཤ་རུག་ཁཱན་གྱི་ གློག་བརྙན་པ་ཐཱན་ཟེར་མི་དེ་ སྤྲོ་བ་སྦོམ་མའི་སྒོ་ལས་ མི་མང་ལུ་སྟོན་ནི་ འགོ་བཙུགས་ཡོདཔ་ཨིན་པས།
དེ་ཡང་ ཤ་རུག་ཁཱན་གྱིས་ ལོ་ངོ་ ༤ གི་རྒྱབ་ལས་ ལོག་རྩེ་མི་ གློག་བརྙན་དེ་ སྤྱི་ཟླ་ ༡ པའི་ཚེས་ ༢༥ ལས་ མི་མང་ལུ་སྟོན་ནི་ འགོ་བཙུགས་ཡོདཔ་ད་ གློག་བརྙན་དེ་ སྤྱི་ལོ་ ༢༠༢༣ ལུ་ དྲག་ཤོས་ཅིག་སྦེ་ གནས་ནི་ཨིན་པའི་ ཕོ་ཚོད་དཔག་ནུག།
ཨིན་རུང་ ལ་ལོ་ཅིག་གིས་ གློག་བརྙན་དེ་ འབྱུང་ཁུངས་མེདཔ་སྦེ་ བཤད་དོ་ཡོདཔ་ད་ ལ་ལོ་ཅིག་གིས་འབད་བ་ཅིན་ ཤ་རུག་ཁཱན་གྱིས་ གློག་བརྙན་གྱི་ ཡ་མཚན་ཆེ་བའི་ གནས་ཚད་དེ་ བསྐྱར་གསོ་འབད་ཚུགས་ནུག་ཟེར་ཨིན་པས།
གློག་བརྙན་དེ་ནང་ མོ་འཁྲབ་རྩེདཔ་ དི་པི་ཀ་ པ་ཌུ་ཀོ་ནེ་དང་ ཇཱོན་ཨེ་བར་ཧམ་ཡང་ཡོདཔ་ད་ གློག་བརྙན་དེ་ དྲག་ཐོག་དབང་བཙོང་གི་ སྡེ་ཚན་ཅིག་གིས་ རྒྱ་གར་ལུ་ གནོད་འཚུབས་བཀལ་བའི་སྐོར་ལས་ཨིན་པས།
གློག་བརྙན་པ་ཐཱན་དེ་ འཛམ་གླིང་གི་ ས་གནས་མ་འདྲཝ་ཚུ་ནང་ཡོད་མི་ གློག་བརྙན་ཁང་ ༨,༠༠༠ དེ་ཅིག་གི་ནང་ སྟོནམ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: