རྒྱ་ནག་གི་ མཐའ་བསྐོར་ཏེ་ ཡུ་ཨེཛ་གི་ དམག་སྒར་ཆགས་ནིའི་དོན་ལུ་ འགྲིགས་ཆ་བཟོ་ཡོདཔ།

བི་བི་སི།
ཡུ་ཨེཛ་གིས་ རྒྱ་ནག་པད་སྐོར་བསྒྱིར་ཏེ་ དམག་སྒར་ཆགས་ནིའི་དོན་ལུ་ ཕི་ལི་པིན་ རྒྱལ་ཁབ་ནང་ལས་ དམག་སྒར་གྱི་ ས་ཆ་ཁག་ ༤ ཁ་སྐོང་ཐོབ་སྟེ་ཡོདཔ་ད་ ས་ཆ་དེ་ཚུ་ རྒྱ་ནག་གི་ ལྷོ་ཕྱོགས་རྒྱ་མཚོ་དང་ ཏ་ཡེ་ཝཱན་ མཐའ་འཁོར་གྱི་ རྒྱ་མཚོ་ཚུ་ནང་ རྒྱ་ནག་གི་ ལས་དོན་ཚུ་ བལྟ་རྟོག་འབད་ནི་ལུ་ གལ་ཆེ་དྲགས་ཅིག་ཨིནམ་སྦེ་ བཤདཔ་ཨིན་པས།
དེ་ཡང་ ད་རེས་ ཕི་ལི་པིན་ལུ་ དམག་སྒར་ས་ཆའི་ འགྲིགས་ཆ་དེ་གིས་ ལྷོ་ཀོ་རི་ཡ་ལས་ འགོ་བཟུང་སྟེ་ བྱང་ཕྱོགས་རྒྱ་པཱན་དང་ ལྷོ་ཕྱོགས་ཨཱཛ་ཊེ་ལི་ཡ་ཚུ་འབདཝ་ད་ རྒྱ་ནག་མཐའ་བསྐོར་ནི་ལུ་ ཡུ་ཨེཛ་གི་ མཐུན་ཕྱོགས་རྒྱལ་ཁབ་ཀྱི་ དགོས་མཁོ་ཚུ་ ཡོངས་རྫོགས་གྲུབ་ནུག།
ཕི་ལི་པིན་ རྒྱལ་ཁབ་ཀྱི་ ས་མཚམས་ཚུ་ དམག་འཐབ་ཀྱི་ གོ་སྐབས་ཆེ་དྲགས་ཡོད་པའི་ ས་གནས་ཏ་ཡེ་ཝཱན་དང་ རྒྱ་ནག་ལྷོ་ཕྱོགས་ཀྱི་ རྒྱ་མཚོ་ཚུ་ མཐའ་བསྐོར་ཏེ་ཡོདཔ་ལས་ ད་ཚུན་ ཕི་ལི་པིན་ རྒྱལ་ཁབ་ནང་ དམག་སྒར་ས་ཆ་ མ་ཐོབ་མི་ལུ་བརྟེན་ཏེ་ ཡུ་ཨེཛ་གི་ དགོས་མཁོ་འགྲུབ་ནི་ལུ་ མཐུད་འབྲེལ་མ་ཚང་པར་ ལུས་ཡོདཔ་ཨིན་པས།
དེ་བཟུམ་མའི་ ཡར་དྲག་ཅན་གྱི་ སྲུང་སྐྱོབ་མཉམ་འབྲེལ་ ཆིངས་ཡིག་དང་བསྟུན་ཏེ་ ས་གནས་ཁག་ ༥ གི་ནང་ ཚད་འཛིན་ཅན་གྱི་ འཛུལ་ཞུགས་འབད་ནི་ལུ་ གོ་སྐབས་ཡོད་རུང་ ད་རེས་ ས་ཆ་ཁ་སྐོང་དེ་ལུ་བརྟེན་ཏེ་ ཕི་ལི་པིན་ རྒྱལ་ཁབ་ནང་ དཀའ་ངལ་གཞན་ཚུ་གིས་གཙོས་པའི་ འགྲོ་བ་མི་དང་ གནམ་གཤིས་དང་འབྲེལ་བའི་ རྐྱེན་ངན་ཚུ་གི་སྐབས་ལུ་ཡང་ གྲོགས་རམ་ཚུ་ མགྱོགས་དྲགས་འབད་ནི་ལུ་ གོ་སྐབས་རྒྱ་སྐྱེད་སོང་ནུག།
གནས་ཚུལ་དེ་ སྤྱི་ཟླ་ ༢ པའི་ཚེས་ ༢ ལུ་ ཡུ་ཨེཛ་གི་ སྲུང་སྐྱོབ་དྲུང་ཆེན་ ལོ་འིཌ་ཨཱཛ་ཊིན་དང་ ཕི་ལི་པིན་གྱི་སྲིད་འཛིན་ ཕར་ཌི་ནེན་ མར་ཀོཛ་ ཇུ་ནི་ཡར་ ༢ མ་ནི་ལ་ལུ་ ཕྱད་པའི་ཤུལ་ལས་ གསར་བཏོན་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: