ཡུ་ཀེ་རེན་གྱིས་ བྷག་མུཊ་རྫོང་གཞིས་དེ་ བདག་བཟུང་ཐོག་ལུ་ བཞག་ནིའི་དོན་ལས་ བརྩོན་ཤུགས་བསྐྱེད་དོ་ཡོདཔ།

རོའི་ཊརཛ།
སྤྱི་ཟླ་ ༢ པའི་ཚེས་ ༣ ལུ་ སྲིད་འཛིན་ཟེ་ལེནཛ་ཀི་གིས་ ཡུ་ཀེ་རེན་གྱི་ ཤར་ཕྱོགས་རྫོང་གཞིས་ ཀྱི་བྷག་མུཊ་ཁྲོམ་སྡེ་དེ་ ག་དེམ་ཅིག་ འབད་ཚུགས་ཚུགས་ བདག་བཟུང་འབད་ནི་ཨིན་ཟེར་ བཤད་ཡོདཔ་མ་ཚད་ ཌཱོན་བཱཛ་ལུང་ཕྱོགས་ནང་ལས་ ར་ཤི་ཡའི་ དམག་མི་ཚུ་ བཏོན་བཏང་ཐབས་ལུ་ཡང་ ནུབ་ཕྱོགས་རྒྱལ་ཁབ་ཚུ་གིས་ རྒྱང་རིང་གོ་མཚོན་ཚུ་གི་ གྲོགས་རམ་འབད་དགོ་པའི་ ནན་བསྐུལ་འབད་ནུག།
ཀི་ཡེབ་ལུ་ ཡུ་རོབ་རྒྱལ་ཚོགས་ཀྱི་ དབུ་ཁྲིད་ཞལ་འཛོམས་ འཚོགས་པའི་ཤུལ་ལས་ ཟེ་ལེནཛ་ཀི་གིས་ རྒྱལ་ཚོགས་ཀྱི་ འགོ་ཁྲིདཔ་ཚུ་ལུ་ བཤད་དོ་བཟུམ་འབད་བ་ཅིན་ བྷག་མུཊ་རྫོང་གཞིས་དེ་ རྩ་འགེངས་ཏེ་ བདག་བཟུང་ཐོག་ལུ་ར་ བཞག་ནི་ཨིནམ་ད་ བྷག་མུཊ་དེ་ ང་བཅས་ཀྱི་ རྫོང་གཞིས་སྦེ་ར་ རྩིས་དོ་ཟེར་ཨིན་པས།
གལ་སྲིད་ རྒྱང་རིང་གོ་མཚོན་ཚུ་ འཐོབ་པ་ཅིན་ ཡུ་ཀེ་རེན་གྱིས་ བྷག་མུཊ་རྫོང་གཞིས་དེ་ བདག་བཟུང་འབད་ཚུགས་པའི་ཁར་ ད་རེས་ ར་ཤི་ཡ་གིས་ བཙན་འཛུལ་འབད་དེ་ཡོད་མི་ ཌཱོན་བཱཛ་ལུང་ཕྱོགས་དེ་ཡང་ ལོག་འཐོབ་ཚུགས་ཟེར་བཤད་ནུག།
བྷག་མུཊ་རྫོང་གཞིས་དེ་ ཡུ་ཀེ་རེན་གྱིས་ གདོང་ལེན་འབད་ནི་གི་ གཙོ་རིམ་ཅན་ཅིག་ལུ་ གྱུར་ཏེ་ཡོད་རུང་ ར་ཤི་ཡའི་ དམག་མི་ཚུ་གིས་ ཕྱོགས་དག་པ་ཅིག་ལས་ར་ བྷག་མུཊ་མཐའ་བསྐོར་ཏེ་ ཡུ་ཀེ་རེན་ལུ་ མཁོ་ཆས་བཀྲམ་སྤེལ་གྱི་ འཁོར་ལམ་གཙོ་བོ་ཅིག་ཨིན་མི་དེ་ དབང་བཟུང་འབད་ཐབས་ལུ་ དམག་རྐྱབ་པའི་བསྒང་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: