བྱང་ཀོ་རི་ཡའི་སྲིད་འཛིན་ ཀིམ་ཇོང་ཨཱན་གྱིས་ དྲག་པོའི་དམག་སྡེ་ལུ་བསྟོད་བསྔགས།

རོའི་ཊརཛ།
བྱང་ཀོ་རི་ཡའི་ དམག་སྡེ་གིས་ འཕྲལ་ཐོག་གི་ གོ་མཚོན་ཚུ་ རུ་སྒྲིག་ཐོག་ལས་ འགྲེམ་སྟོན་འབད་ནི་སྦེ་ སྡོད་པའི་བར་ན་ བྱང་ཀོ་རི་ཡའི་དབུ་ཁྲིད་ ཀིམ་ཇོང་ཨཱན་གྱིས་ དམག་སྡེ་ཚུ་དང་ མཇལ་འཕྲད་མཛད་དེ་ རྒྱལ་ཁབ་ཀྱི་ དམག་སྡེ་དེ་ སྒྲིང་སྒྲིང་བཟོ་དགོ་ཟེར་ གསུངས་ཡོདཔ་མ་ཚད་ དམག་སྡེ་ལུ་ བཀའ་དྲིན་ལེགས་སོ་ཡང་ གསུངས་ཡོདཔ་ཨིན་པས།
དེ་མ་ཚད་ སྤྱི་ཟླ་ ༢ པའི་ཚེས་ ༦ ལུ་ ཀོ་རི་ཡའི་ མི་མང་དམག་སྡེ་ གཞི་བཙུགས་ཀྱི་ ལོ་བསྟར་དུས་སྟོན་ ཐེངས་ ༧༥ པ་ བརྩི་སྲུང་དང་འབྲེལ་བའི་ ཚོགས་སྟོན་ནང་ ཀིམ་ཇོང་ཨཱན་གྱི་ ཨམ་དང་ བུམོ་གིས་ཡང་ བཅའ་མར་གཏོགས་གནང་ནུག།
དེ་བསྒང་ སྲིད་འཛིན་ཀིམ་གྱིས་ གསུང་བཤད་གནང་པའི་ནང་གས་ ང་བཅས་རའི་ དམག་སྡེ་འདི་ བཙན་ཐབས་དང་ གོང་འཕེལ་གྱི་དོན་ལུ་ སྔར་ལས་ལྷག་པའི་ བརྩོན་ཤུགས་བསྐྱེད་དེ་ རྒྱལ་ཁབ་འདི་ ལོངས་སྤྱོད་དང་ལྡནམ་སྦེ་ གོང་འཕེལ་གཏང་དགོ་ཟེར་ཨིན་པས།
གསུང་བཤད་དེ་ཡང་ ཁོ་གིས་ དྲག་པོའི་དམག་སྦྱོང་ རྒྱ་སྐྱེད་གཏང་སྟེ་ རྡུལ་ཕྲན་མཚོན་ཆའི་ཐོག་ལས་ དམག་རྐྱབ་ནི་ལུ་ གྲ་སྒྲིག་འབད་ནི་སྦེ་ ཁས་ལེན་མཛད་པའི་ ཉིནམ་ ༡ གི་ཤུལ་ལས་གནང་ནུག།
ན་ཧིང་གི་ལོ་ལུ་ སྲིད་འཛིན་ཀིམ་གྱིས་ དམག་སྦྱོང་དང་ མཁའ་དམག་གནམ་གྲུ་ཚུ་ བརྒྱ་ལས་བཅད་དེ་ མཁའ་དབྱིངས་ལུ་ འཕུར་བཅུག་ནི་དེ་གིས་ ཡུ་ཨེཛ་དང་ ཁོང་གི་ངོ་ཚབ་ཚུ་ མཉམ་འབྲེལ་ཐོག་ལས་ ལག་ལེན་འཐབ་མི་ མཁའ་དབྱིངས་དམག་སྦྱོང་ལུ་ གནོད་པ་སྦོམ་ ཕོག་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: