བྱང་ཀོ་རི་ཡ་ལུ་ དམག་སྡེ་རུ་སྒྲིག་ཐོག་ལས་ རྡུལ་ཕྲན་མཚོན་ཆའི་འགྲེམ་སྟོན།

རོའི་ཊརཛ།
སྤྱི་ཟླ་ ༢ པའི་ཚེས་ ༨ ཀྱི་ནུབ་མོར་ བྱང་ཀོ་རི་ཡ་ལུ་ དམག་སྡེ་རུ་སྒྲིག་ཐོག་ལས་ གླིང་ཆེན་ཚུ་ནང་ ལྷོད་ཚུགས་མི་ བེ་ལིཛ་ཊིག་ མི་ཛ་ཡེལ་ཟེར་མི་ རྡུལ་ཕྲན་མཚོན་ཆ་ མང་རབས་ཅིག་ འགྲེམ་སྟོན་འབད་ནུག།
མ་གཞི་ འཛམ་གླིང་སྤྱི་ཚོགས་ སྲུང་སྐྱོབ་ཚོགས་སྡེ་ལས་ དེ་བཟུམ་མའི་ གོ་མཚོན་ཚུ་ བཀག་དམ་གྱི་ གྲོས་ཆོད་བཏོན་ཏེ་ཡོད་རུང་ བྱང་ཀོ་རི་ཡ་གིས་ གྲོས་ཆོད་དེ་ལུ་ མ་གནས་པར་ རྡུལ་ཕྲན་མཚོན་ཆའི་ བརྟག་དཔྱད་ལས་རིམ་ཚུ་ འཕྲོ་མཐུད་དེ་ར་ ལག་ལེན་འཐབ་དོ་ཡོདཔ་ཨིན་པས།
དེ་སྦེ་ རུ་སྒྲིག་ཐོག་ལས་ འགྲེམ་སྟོན་འབད་མི་ མཚོན་ཆའི་གྲས་ཁར་ བྱང་ཀོ་རི་ཡའི་ གོ་མཚོན་སྦོམ་ཤོས་ ཧུ་ཝ་སོང་ ༡༧ ཟེར་མི་ཡང་ འགྲེམ་སྟོན་འབད་ཡོདཔ་ད་ མི་ཛ་ཡེལ་དེ་ཚུ་ལུ་ འཛམ་གླིང་གི་ ས་གནས་ག་ཏེ་ཡང་ ལྷོད་ཚུགས་པའི་ ཤུགས་ཚད་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: