ཊར་ཀི་ལུ་ ས་ཡོམ་རྐྱབ་སྟེ་ ཆུ་ཚོད་ ༡༠༤ གི་ཤུལ་ལས་ ཨམ་སྲུ་ཅིག་ རག་རོ་ནང་ལས་ གསོནམ་སྦེ་བཏོན་ཡོདཔ།

རོའི་ཊརཛ།
ས་ཡོམ་རྐྱབ་སྟེ་ དུས་ཡུན་ཆུ་ཚོད་ ༡༠༤ གི་རྒྱབ་ལས་ སྤྱི་ཟླ་ ༢ པའི་ཚེས་ ༡༠ ལུ་ སྲོག་སྐྱབས་ཀྱི་ ལཱ་འབད་མི་ཚུ་གིས་ ཊར་ཀིའི་ཀི་རི་ཁཱན་ཁྲོམ་ནང་ སྒྲིང་ཁྱིམ་རམ་འགྱོ་མིའི་ནང་ལས་ ཨམ་སྲུ་ཅིག་ གསོནམ་སྦེ་བཏོན་ནུག།
དེ་ཡང་ ཇར་མ་ནིའི་ གློ་བུར་ལས་མི་ཚུ་གིས་ སྐྱེས་ལོ་ ༤༠ འབད་མི་ ཨམ་ཟེ་ནེབ་ཀ་ར་མཱན་དེ་ རྩི་ས་དང་ ལྕགས་རོ་ཚུ་གི་ནང་ལས་བཏོན་ཏེ་ ནདཔ་སྐྱེལ་འདྲེན་གྱི་ སྣུམ་འཁོར་ནང་སྦེ་ བསྐྱལ་བཏང་ཡོདཔ་ཨིན་པས།
ལོ་ངོ་བཅུ་ཕྲག་གི་ཤུལ་ལས་ ས་ཡོམ་དེ་ལུ་བརྟེན་ཏེ་ ཊར་ཀིའི་ལྷོ་ཕྱོགས་དང་ སི་རི་ཡའི་ ནུབ་བྱང་ས་ཁོངས་ཚུ་ནང་ སྤྱི་ཟླ་ ༢ པའི་ཚེས་ ༡༠ ཚུན་ལུ་ མི་གྲངས་བསྡོམས་ ༢༡,༠༠༠ དེ་ཅིག་ལུ་ ཤི་རྐྱེན་བྱུང་ནུག།
དེ་མ་ཚད་ མི་གྲངས་སྟོང་ཕྲག་ལེ་ཤ་ཅིག་ཡང་ གནམ་དགུན་གྱི་ དུས་ཚོད་ཁར་ སྡོད་ས་དང་ བཟའ་འཐུང་ཚུ་ མེད་པར་ཡོདཔ་ལས་ དཀའ་སྡུག་སེལ་ཐབས་ལུ་ རྒྱལ་སྤྱི་རྒུད་གསོའི་གྲོགས་རམ་ཚུ་ ཚབས་ཆེན་སྦེ་ར་ དགོས་མཁོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: