སི་རི་ཡའི་ ནུབ་བྱང་ལུ་ ས་ཡོམ་གྱིས་ གནོད་སྐྱོན་བྱུང་མི་ ས་གནས་ཚུ་ནང་ བཟའ་ཆས་ཀྱིས་ མི་ལང་ནི་ཨིན་པའི་ཉེན་བརྡ།

རོའི་ཊརཛ།
སི་རི་ཡའི་ ནུབ་བྱང་ས་ཁོངས་ཚུ་ནང་ བཟའ་ཆས་ཚུ་ མི་ལང་ནི་གི་ ཉེན་ཁ་ཡོདཔ་ལས་ འཛམ་གླིང་བཟའ་འཐུང་ལས་རིམ་གྱིས་ ཊར་ཀིའི་ས་མཚམས་བདའ་སྟེ་ འགྲུལ་ལམ་མང་སུ་ སྒོ་ཕྱེ་དགོཔ་སྦེ་ སླབ་ཡོདཔ་ཨིན་པས།
འཛམ་གླིང་ཤར་དབུས་དང་ བྱང་ཨཕ་རི་ཀ་ ཤར་ཡུ་རོབ་ཚུ་གི་ འཛམ་གླིང་བཟའ་འཐུང་ལས་རིམ་གྱི་ ལུང་ཕྱོགས་མདོ་ཆེན་ ཀོ་རིན་ཕེལ་ཅར་གྱིས་ བཤད་དོ་བཟུམ་འབད་བ་ཅིན་ སི་རི་ཡའི་ ནུབ་བྱང་ས་ཁོངས་ནང་ འགྲོ་བ་མིའི་གྲོགས་རམ་ལུ་ གཞི་བརྟེན་འབད་མི་ བརྒྱ་ཆ་ ༩༠ དེ་ཅིག་ཡོདཔ་ལས་ ཚ་གྱང་ཅན་གྱི་ གཞི་ཅིག་ལུ་ འགྱུར་ཏེ་ཡོད་ཟེར་ཨིན་པས།
ལས་རིམ་དེ་ མི་ཚུ་ཡོད་སར་ ལྷོད་དེ་འབད་རུང་ བཟའ་ཆས་ཚུ་ རྫོགས་ཁམས་ལུ་ ལྷོད་ཡོདཔ་ལས་ བཟའ་ཆས་ཁ་སྐོང་ བསྐྱལ་ཐབས་ལུ་ ས་མཚམས་བདའ་སྟེ་ འགྲུལ་ལམ་གསརཔ་ ཕྱེ་དགོཔ་འདུག་ཟེར་ཨིན་པས།
དེ་ཡང་ ད་རེས་ ཊར་ཀི་དང་ སི་རི་ཡའི་ ལྡོག་ཕྱོགས་ཀྱི་ བདག་དབང་ཐོག་ལུ་ཡོད་མི་ ནུབ་བྱང་ས་མཚམས་ཀྱི་བར་ན་ འགྲུལ་ལམ་གཅིག་ལས་བརྒལ་ཏེ་ མེད་ནི་དེ་གིས་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: