རྒྱ་གར་གྱི་ མཁའ་འགྲུལ་ལས་སྡེ་ ཨེ་ཡར་ཨིན་ཌ་ཡ་གིས་ གནམ་གྲུ་ ༨༤༠ མཁོ་མངགས།

ཨེན་ཌི་ཊི་ཝི།
རྒྱ་གར་ལུ་ ཊ་ཊ་ལས་སྡེ་གི་ བདག་དབང་ཐོག་ལུ་ཡོད་མི་ ཨེ་ཡར་ཨིན་ཌི་ཡ་གིས་ གནམ་གྲུ་ཨེ་ཡར་བཱཛ་དང་ བོ་ཡིང་འཕྲུལ་ཁང་ལས་ གནམ་གྲུ་ ༨༤༠ མཁོ་མངགས་འབད་མི་ཚུ་གི་གྲས་ལས་ གནམ་གྲུ་ ༣༧༠ མཁོ་སྒྲུབ་ཀྱི་ གདམ་ཁ་ཡོདཔ་ཨིན་པས།
དེ་ཡང་ སྤྱི་ཟླ་ ༢ པའི་ཚེས་ ༡༦ ལུ་ ཊ་ཊ་ལས་སྡེའི་ འགོ་དཔོན་ཅིག་གིས་ དེ་བཟུམ་མའི་ མཁོ་མངགས་འབད་མི་དེ་ རྒྱ་གར་གྱི་ མཁའ་འགྲུལ་ལས་སྡེའི་ནང་་ འབྱུང་རབས་ཅན་གྱི་ གནད་དོན་ཅིག་ཨིན་ཟེར་བཤད་ནུག།
ཨེ་ཡར་ཨིན་ཌི་ཡའི་ ཚོང་འབྲེལ་དང་ གཞི་སྒྱུར་འགོ་དཔོན་གཙོ་འཛིན་ ནི་པུན་ཨ་གར་ཝཱལ་གྱིས་ བཤད་དོ་བཟུམ་འབད་བ་ཅིན་ ཨེ་ཡར་བཱཛ་ནང་ལས་ གནམ་གྲུ་ ༢༥༠ དང་ བོ་ཡིང་ནང་ལས་ གནམ་གྲུ་ ༢༥༠ མཁོ་མངགས་འབད་དེ་ཡོད་ཟེར་ཨིན་པས།
དེ་སྦེ་ མཁོ་མངགས་འབད་མིའི་ནང་ ཤུལ་མའི་ལོ་ངོ་བཅུ་ཐམ་གྱི་རིང་ལུ་ གནམ་གྲུ་ ༤༧༠ དང་ གདམ་ཁ་ ༣༧༠ གྱི་དོན་ལུ་ ཉོ་སྒྲུབ་ཀྱི་ བདག་དབང་ཚུ་ ཐོབ་སྟེ་ཡོདཔ་ད་ དེ་ཡང་ དེང་སང་གི་དུས་ལུ་ མཁའ་འགྲུལ་ལས་སྡེ་ཅིག་གིས་ གནམ་གྲུ་གྱངས་ཁ་མཐོ་ཤོས་ མཁོ་མངགས་འབད་མི་དེ་ འགོ་དང་པ་ཨིན་པས།
ཨེ་ཡར་ཨིན་ཌི་ཡ་ མཁའ་འགྲུལ་ལས་སྡེ་དེ་ སྤྱི་ལོ་ ༢༠༢༢ སྤྱི་ཟླ་ ༡ པའི་ནང་ རྒྱ་གར་གཞུང་ལས་ ཊ་ཊ་སྡེ་ཚན་གྱིས་ ཉོ་ཡོདཔ་ད་ མཁའ་འགྲུལ་ལས་སྡེ་དེ་གིས་ ལོ་ངོ་ ༡༧ གྱི་རྒྱབ་ལས་ གནམ་གྲུ་མཁོ་མངགས་འབད་མི་དེ་ འགོ་དང་པ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: