འཛམ་གླིང་ནུབ་ཕྱོགས་ཀྱི་ འགོ་ཁྲིདཔ་ཚུ་ལུ་ ཡུ་ཀེ་རེན་གྱིས་ མཚོན་ཆའི་མཁོ་འདོད།

རོའི་ཊརཛ།
སྤྱི་ཟླ་ ༢ པའི་ཚེས་ ༡༧ ལུ་ འཛམ་གླིང་ནུབ་ཕྱོགས་ཀྱི་ རྒྱལ་ཁབ་ཁག་གི་ འགོ་ཁྲིདཔ་ཚུ་གི་བར་ན་ མིའུ་ནིག་ཟེར་སར་ ཞལ་འཛོམས་ཅིག་ ཚོགས་པའི་སྐབས་ལུ་ ཡུ་ཀེ་རེན་གྱི་ ཤར་ཕྱོགས་ཁྲོམ་སྡེ་ བཱག་མུཏ་ལུ་ ར་ཤི་ཡའི་ དམག་མི་ཚུ་ བཙན་འཛུལ་ལས་ བཀག་ཆ་འབད་དེ་ཡོད་མི་ ཡུ་ཀེ་རེན་དམག་མི་ཚུ་གིས་ ཕྱིའི་རྒྱལ་ཁབ་ཚུ་ལས་ མཚོན་ཆའི་དགོས་མཁོ་ཚུ་བཀོད་ནུག།
ད་རེས་ ཡུ་ཀེ་རེན་དང་ ར་ཤི་ཡའི་བར་ན་ དམག་འཁྲུག་ལང་སྟེ་ ལོ་ ༡ ལང་དོ་ཡོདཔ་ད་ ར་ཤི་ཡའི་ དམག་མི་ཚུ་གིས་ ཡུ་ཀེ་རེན་གྱི་ ཤར་ཕྱོགས་ཁ་ཐུག་ལས་ དམག་མི་ཚུ་ རྒྱ་སྐྱེད་འབདཝ་ཨིན་པས།
ཡུ་ཀེ་རེན་གྱིས་ གནམ་སེར་ཁར་ ར་ཤི་ཡའི་ དམག་མི་ཚུ་ལུ་ གདོང་ལན་འབད་ནི་གི་ འཆར་གཞི་རྩམ་པའི་བསྒང་ཡོདཔ་ལས་ དེ་གི་དོན་ལུ་ ས་ཐག་རིང་སར་ ལྷོད་ཚུགས་མི་ གོ་མཚོན་ཆ་ཚུ་ དགོས་མཁོ་ཡོད་ལུགས་སྦེ་ འཛམ་གླིང་ནུབ་ཕྱོགས་ཀྱི་ མཐུན་འབྲེལ་རྒྱལ་ཁབ་ཚུ་ལུ་ ཞུ་བ་འབད་ནུག།
ཡུ་ཀེ་རེན་དང་ ར་ཤི་ཡའི་ དམག་འཁྲུག་ལུ་བརྟེན་ཏེ་ མི་གྲངས་སྟོང་ཕྲག་ལེ་ཤ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ རྒྱལ་སྤྱིའི་གནས་སྟངས་ནང་ཡང་ དཔལ་འབྱོར་གྱི་ དཀའ་ངལ་ཚུ་ འཐོན་ཏེ་ཡོདཔ་ལས་ འཛམ་གླིང་ནུབ་ཕྱོགས་ཀྱི་ མིག་ཏོ་ཁར་ སྲིད་འཛིན་པུ་ཊིན་དེ་ མིའི་གྲངས་སུ་ མ་ཚུདཔ་སྦེ་ བརྩི་དོ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: