བྱང་ཀོ་རི་ཡ་གིས་ མཐུན་འབྲེལ་རྒྱལ་ཁབ་ཚུ་གིས་ དམག་སྦྱོང་འབད་མི་ལུ་ གདོང་ལེན་འབད་ནི།

རོའི་ཊརཛ།
སྤྱི་ཟླ་ ༢ པའི་ཚེས་ ༡༧ ལུ་ བྱང་ཀོ་རི་ཡ་གིས་ ལྷོ་ཀོ་རི་ཡ་དང་ ཡུ་ཨེཛ་གིས་ འཆར་གཞི་དང་འཁྲིལ་ཏེ་ དམག་སྦྱོང་ཚུ་ ལག་ལེན་འཐབ་པ་ཅིན་ སྔོན་ཆད་མ་བྱུང་པའི་ གདོང་ལན་འབད་ནི་ཨིན་པའི་ ཉེན་བརྡ་འབད་ནུག།
དེ་མ་ཚད་ བྱང་ཀོ་རི་ཡ་གིས་ ལུང་ཕྱོགས་དེ་ནང་ མ་མཐུན་པའི་ གནས་སྟངས་དེ་ཡང་ མཐུན་འབྲེལ་རྒྱལ་ཁབ་ཚུ་ལུ་བརྟེན་ཏེ་ བྱུངམ་ཨིན་པའི་ ཁ་ཉེས་ཡང་བཀལ་ཡོདཔ་ཨིན་པས།
བྱང་ཀོ་རི་ཡའི་ ཕྱི་འབྲེལ་ལྷན་ཁག་ལས་་ གལ་སྲིད་ ཡུ་ཨེཛ་གིས་ རྒྱུད་བསྐུལ་ཐོག་ལས་ འཛམ་གླིང་སྤྱི་ཚོགས་ སྲུང་སྐྱོབ་ལྷན་ཚོགས་ཀྱིས་ པི་ཡོང་ཡང་ལུ་ ཨུ་ཚུགས་འཕྲོ་མཐུད་འབད་བ་ཅིན་ ཁོང་གི་ཁ་ཐུག་ལས་ཡང་ དྲག་དམག་གི་ ལག་ལེན་ཁ་སྐོང་ཚུ་གི་སྐོར་ལས་ བསམ་ཞིབ་འབད་འོང་ཟེར་བཤད་ནུག།
དེ་བཟུམ་མའི་ ལོ་རྒྱུས་དེ་ཡང་ ལྷོ་ཀོ་རི་ཡ་དང་ ཡུ་ཨེཛ་གིས་ བྱང་ཀོ་རི་ཡའི་ ཡར་སེང་ཅན་གྱི་ རྡུལ་ཕྲན་མཚོན་ཆ་དང་ མི་ཛ་ཡེལ་ཚུ་གི་ ཉེན་ཁའི་གདོང་ལན་ལུ་ བརྩོན་ཤུགས་ཀྱི་ ཆ་ཤས་ཅིག་སྦེ་ ལོ་བསྟར་དམག་སྦྱོང་གི་དོན་ལུ་ གྲ་སྒྲིག་འབད་བའི་ དུས་མཉམ་སྦེ་ ཐོན་ནུག་ཟེར་ བཀོད་འདུག་པའི་གནས་ཚུལ།

Please follow and like us: