གི་རིཛ་ལུ་ རེ་ལི་ཐུག་རྐྱེན་བྱུང་མིའི་ནང་ མི་གྲངས་ ༤༣ དེ་ཅིག་ལུ་ཤི་རྐྱེན།

རོའི་ཊརཛ།
སྤྱི་ཟླ་ ༢ པའི་ཚེས་ ༢༨ ཀྱི་ནུབ་མོར་ གི་རིཛ་རྒྱལ་ཁབ་ནང་ འགྲུལ་པའི་རེ་ལི་ཅིག་དང་ དོ་ཆས་རེ་ལི་ཅིག་ གདོང་ཐུག་རྐྱབ་པའི་ རྐྱེན་ངན་ནང་ ཉུང་ཤོས་ར་ མི་གྲངས་ ༤༣ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ གཞན་མི་ལེ་ཤ་ཅིག་ལུ་ཡང་ རྨ་སྐྱོན་བྱུང་ཡོདཔ་ཨིན་པས།
དེ་སྦེ་ ཤི་རྐྱེན་བྱུང་མི་ མང་ཤོས་ཅིག་ར་ ཡུན་རིང་གི་ ངལ་གསོ་ལས་ རང་སོའི་གཙུག་ལག་སློབ་སྡེ་ཚུ་ནང་ལོག་མི་ སློབ་ཕྲུག་ཚུ་ཨིནམ་ད་ དེ་ཡང་ རེ་ལི་ཐུག་རྐྱེན་སྐབས་ལུ་ དེ་འཕྲལ་ལས་ མེ་རྐྱེན་བྱུང་སྟེ་ འགྲུལ་པ་ཚུ་ འཚིགས་ཡོདཔ་མ་ཚད་ རེ་ལི་ ༢ ཡང་ རང་སོའི་འགྲུལ་ལམ་ལས་ འབྱིད་ཡར་སོངཔ་ཨིན་པས།
དེ་གི་ནངས་པ་ལས་ སྲོག་སྐྱབས་འབད་མི་ཚུ་གིས་ ཅ་ཆས་འཐུ་མི་ འཕྲུལ་ཆའི་སྒོ་ལས་ རེ་ལིའི་ཁང་མིག་ཚུ་འཐུ་སྟེ་ འགྲུལ་པ་ཚུ་ འཚོལ་དོ་ཡོདཔ་ད་ ཤི་རྐྱེན་གྱི་ གྱངས་ཁ་དེ་ ད་རུང་ཡང་ ཡར་སེང་འགྱོ་སྲིད་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: