གནམ་གྲུ་ཧེ་ལི་ཊར་ཅིག་ལུ་ ཐུག་རྐྱེན་བྱུང་མིའི་ནང་ མ་སྨད་ ༢ ལུ་ཤི་རྐྱེན།

པདྨ་དབང་འདུས།
སྤྱི་ཟླ་ ༣ པའི་ཚེས་ ༣ ལུ་ ཉིན་ཡོལ་ཆུ་ཚོད་ ༢.༣༠ དེ་ཅིག་ཁར་ ལུང་ནག་ནང་གི་ ས་གནས་ཝ་ཆེ་ཟེར་སར་ འབྲུག་གི་གནམ་གྲུ་ ཧེ་ལི་ཀོབ་ཊར་ཅིག་ལུ་ ཐུག་རྐྱེན་བྱུང་ཡོདཔ་ལས་ བུམོ་ཅིག་དང་ ཨའི་ལུ་ ཤི་རྐྱེན་བྱུང་ཡོདཔ་ཨིན་པས།
ཨིན་རུང་ ཨ་ལོའི་ཨ་པ་དང་ བུམོ་གཞན་མི་དེ་ གནམ་གྲུ་ཐུག་རྐྱེན་བྱུང་སའི་ ཉེ་འདབས་ལུ་ཡོད་མི་ ཁོང་རའི་ཁྱིམ་ནང་ བསྐྱལ་ཡོདཔ་བཞིན་དུ་ གནས་སྟངས་ལེགས་ཤོམ་སྦེ་ཡོདཔ་ད་ གནམ་གྲུའི་དེད་དཔོན་དེ་ རྐང་མར་སྨ་སྐྱོན་ཆུང་ཀུ་ཅིག་ བྱུང་ཡོདཔ་ལས་ སྐར་ཆ་ ༥ དེ་ཅིག་གི་ས་ཁར་ ཁྱིམ་ཅིག་ནང་ བཞག་ཡོདཔ་ཨིན་པས།
གནས་ཚུལ་འབྱུང་ཁུངས་དང་འཁྲིལ་བ་ཅིན་ གནམ་གྲུ་དེ་ ཆགས་ནི་འབདཝ་ད་ རླུང་མ་ཤུགས་ཅན་ཅིག་འཕུ་སྟེ་ ས་ཁར་འབུད་ཡོདཔ་སྦེ་ཨིནམ་ད་ དེ་ཡང་ གནམ་གྲུའི་ཐང་ལས་ ས་ཐག་ཐུང་སུ་ཅིག་ཁར་ རྐྱེན་ངན་དེ་ བྱུང་ཡོདཔ་ཨིན་པས།
དེ་སྦེ་ ཐུག་རྐྱེན་བྱུང་པའི་ཤུལ་ལུ་ མི་རྗེ་བློན་ཆེན་མཆོག་གིས་ རྐྱེན་ངན་དེ་ནང་ ཚེ་ལས་འདས་མི་ བུམོ་དང་ ཨའི་ ༢ ཀྱི་དོན་ལས་ སྨོན་ལམ་ཚུ་ བཏབ་དོ་ཟེར་བཀོད་ཡོདཔ་མ་ཚད་ གནམ་གྲུའི་དེད་དཔོན་དང་ གནམ་གྲུའི་ནང་ འགྲུལ་སྐྱོད་འབད་མི་ བཟའ་ཚང་གཞན་ཚུ་གི་ གཟུགས་ཁམས་ཚུ་ཡང་ དམ་ཟབ་སྦེ་ར་ བལྟ་ཞིབ་འབད་དོ་ཟེར་ བཀོད་འདུག་པའི་གནས་ཚུལ།

Please follow and like us: