རྡོ་རྗེ་སློབ་དཔོན་མཆོག་གིས་ གཞུང་གྲྭ་ཚང་གི་ བདག་སྐྱོང་འགོ་དཔོན་གཙོ་འཛིན་ གསར་བསྐོས་ཐོག་ལུ་ བཀྲིས་ལེགས་དར།

ནོར་བུ་བཟང་མོ།
སྤྱི་ཟླ་ ༣ པའི་ཚེས་ ༨ ལུ་ སྤུང་ཐང་བདེ་བ་ཆེན་པོའི་ ཕོ་བྲང་ནང་སྦེ་ གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་གིས་ བླམ་ཕུར་པ་འཕྲིན་ལས་དེ་ གཞུང་གྲྭ་ཚང་གི་ བདག་སྐྱོང་འགོ་དཔོན་གཙོ་འཛིན་སྦེ་ གསར་བསྐོས་ཐོག་ལུ་ བཀྲིས་ལེགས་དར་གནང་ནུག།
སྐྱེས་ལོ་ ༤༤ འབད་མི་ བླམ་ཕུར་པ་དེ་ དབང་འདུས་ཕོ་བྲང་ དགའ་སེང་ཚོ་འོགམ་ལས་ཨིནམ་ད་ བདག་སྐྱོང་འགོ་དཔོན་གཙོ་འཛིན་སྦེ་ བསྐོ་བཞག་མ་གནང་པའི་ཧེ་མར་ ལོ་ངོ་ ༡༠ གྱི་རིང་ལུ་ རྒྱ་གར་རྡོ་རྗེ་གདན་ལུ་ཡོད་མི་ འབྲུག་པའི་ལྷ་ཁང་ནང་ ཕྱག་ཞུ་ཡོདཔ་ཨིན་པས།
བླམ་ཕུར་པ་གིས་ སྐྱེས་ལོ་ ༧ ལས་ སྤུངས་ཐིམ་གཞུང་གྲྭ་ཚང་ནང་ དགེ་སློང་སྦེ་ འཛུལ་ཞུགས་འབད་བའི་ཤུལ་ལས་ རྒྱལ་ཁབ་ནང་ཡོད་མི་ བཤད་གྲྭ་དང་ སློབ་གྲྭ་ཁག་ ལེ་ཤ་ཅིག་གི་ནང་ ཤེས་ཡོན་ཚུ་ སྦྱངས་བརྩོན་འབད་ཡོདཔ་མ་ཚད་ ཐིམ་ཕུ་ཧོང་མཚོ་བཀྲ་ཤིས་བསྒང་ སྒྲུབ་སྡེའི་ནང་སྦེ་ ལོ་གསུམ་ཕྱོགས་གསུམ་གྱི་ སྐུ་མཚམས་ཚུ་ཡང་ བཅད་ཡོད་པའི་གནས་ཚུལ།

Please follow and like us: