འབྲུག་ལུ་ འཛམ་གླིང་སྤྱི་ཚོགས་ གོང་འཕེལ་ལས་རིམ་གྱིས་ གློག་ཤུགས་འགྲུལ་འཁོར་ ༡༦ རྩིས་སྤྲོད།

ནོར་བུ་བཟང་མོ།
རྒྱ་པཱན་གཞུང་དང་ འཛམ་གླིང་སྤྱི་ཚོགས་ གོང་འཕེལ་ལས་རིམ་གྱིས་ འབྲུག་ལུ་ ཡུ་ཨེཛ་ཌོ་ལར་ ས་ཡ་ ༡.༡ གི་ ཆ་ཤས་ལས་རིམ་ཐོག་ལས་ གློག་ཤུགསའགྲུལ་འཁོར་ ༡༩ ལས་ འགྲུལ་འཁོར་ ༡༦ རྩིས་སྤྲོད་འབད་ནུག།
དེ་ཡང་ རྒྱལ་ཁབ་ནང་ དུག་རླུང་ཀླད་ཀོར་ བཟོ་ནི་དང་ གནམ་གཤིས་འགྱུར་བགྲོད་དང་འབྲེལ་བའི་ གདོང་ལེན་གྱི་ གྲ་སྒྲིག་ལུ་ཨིནམ་ད་ གློག་ཤུགས་འགྲུལ་འཁོར་ ༡༦ པོ་དེ་ རྒྱལ་ཁབ་ནང་ སྤྱི་ཟླ་ ༣ པའི་ཚེས་ ༦ ལུ་ ལྷོད་ཡོདཔ་མ་ཚད་ སྣུམ་འཁོར་ལྷག་ལུས་ ༣ པོ་ཡང་ འཕྲལ་མགྱོགས་ར་ ལྷོད་ནི་ཨིན་པས།
འགྲུལ་འཁོར་ཚུ་ཡང་ འཛམ་གླིང་སྤྱི་ཚོགས་གོང་འཕེལ་ལས་རིམ་གྱི་ གནས་བཞུགས་སྐུ་ཚབ་ མོ་ཧ་མཱཊ་ ཡོ་ནུཛ་གིས་ ལྷན་རྒྱས་གཞུང་ཚོགས་ཀྱི་དྲུང་ཆེན་ སྐལ་བཟང་བདེ་སྐྱིད་ལུ་ རྩིས་སྤྲོད་འབད་ནུག།
འགྲུལ་འཁོར་ཚུ་གིས་ ལོ་བསྟར་བཞིན་དུ་ དུག་རླུང་ཀི་ལོ་ག་རམ་ ༥,༥༠༠ དེ་རེ་ མར་ཕབ་འབད་ཚུགས་པའི་ རེ་བ་ཡོདཔ་ད་ ལས་འགུལ་གྱི་ཐོག་ལས་ འགྲུལ་འཁོར་བསྐྱར་གསོ་ལྟེ་བ་ ༨ རྐྱབ་ནི་གི་ ལས་རིམ་ཡང་ཡོདཔ་ཨིན་པའི་གནས་ཚུལ།

Please follow and like us: