ར་ཤི་ཡའི་ དམག་མི་ཚུ་གིས་ ཡུ་ཀེ་རེན་གྱི་ བཱག་མུཊ་ཁྲོམ་སྡེ་ དབང་བཟུང་འབད་ནི་ལུ་ ལཱ་ཁག་འོང་ནི།

རོའི་ཊརཛ།
ར་ཤི་ཡའི་ དམག་མི་ཚུ་གིས་ ཡུ་ཀེ་རེན་གྱི་ བཱག་མུཊ་ཁྲོམ་སྡེ་ དབང་བཟུང་འབད་ནི་ལུ་ འབད་རྩོལ་བསྐྱེདཔ་ཨིན་རུང་ ཡུ་ཀེ་རེན་གྱི་ དམག་མི་ཚུ་ ཕྱིར་བཏོན་འབད་ནི་གི་ བརྡ་སྟོན་མེདཔ་ལས་ ལཱ་ཁག་འོང་ནི་མས་ཟེར་ཨིན་པས།
དེ་ཡང་ ར་ཤི་ཡའི་ དམག་མི་ཚུ་གིས་ ཡུ་ཀེ་རེན་གྱི་ ཤར་ཕྱོགས་ཁྲོམ་སྡེ་ བཱག་མུཊ་དེ་ དབང་བཟུང་འབད་ནིའི་དོན་ལས་ ཟླ་ངོ་ལེ་ཤ་ཅིག་གི་རིང་ལུ་ འབད་རྩོལ་བསྐྱེད་ནི་དེ་གིས་ རྒྱལ་ཁབ་ ༢ ཀྱི་བར་ན་ ལོ་ངོ་ལྷགཔ་ཅིག་གི་རིང་ལུ་ དམག་འཁྲུག་ལང་མི་ ས་གནས་ཚུ་གི་གྲས་ལས་ བཱག་མུཊ་ཁྲོམ་སྡེ་དེ་ རྨ་བཏོན་ཁྲག་བཏོན་གྱི་ ས་གནས་ཅིག་ལུ་ འགྱུར་ཏེ་ཡོདཔ་ཨིན་པས།
ར་ཤི་ཡ་གིས་ བཱག་མུཊ་ཁྲོམ་སྡེ་དེ་ དབང་བཟུང་འབད་ཚུགས་པ་ཅིན་ ཡུ་ཀེ་རེན་གྱི་ མངའ་ཁོངས་ཚུ་ནང་ ར་ཤི་ཡའི་ དམག་མི་ཚུ་ འཇམ་ཏོང་ཏོ་སྦེ་ འཛུལ་ཞུགས་ཐོག་ལས་ དམག་འཁྲུག་ལང་ཚུགས་ནི་ཨིན་པས།
དེ་འབདཝ་ལས་ ཡུ་ཀེ་རེན་གྱིས་ དགྲ་བྱང་ཕྱད་ཚུ་ ས་ཁོངས་དེ་ནང་ འཛུལ་ཞུགས་འབད་བཅུག་ནི་དེ་ ལཱ་ཁག་འོང་ནི་ཨིན་པའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: