ས་ཡོམ་གྱིས་ པ་ཀིཛ་ཏཱན་དང་ ཨཕ་གྷ་ནིཛ་ཏཱན་ རྒྱལ་ཁབ་ནང་ མི་གྲངས་ ༡༢ ལུ་ ཤི་རྐྱེན་དང་ ༢༠༠ ལྷགཔ་ཅིག་ལུ་རྨ་སྐྱོན།

བི་བི་སི།
སྤྱི་ཟླ་ ༣ པའི་ཚེས་ ༢༡ གི་ཕྱི་རོ་ ས་ཡོམ་ཤུགས་ཚད་ མེག་ནི་ཅཱུད་ ༦.༥ འབད་མི་ རྐྱབ་པ་ལུ་བརྟེན་ཏེ་ པ་ཀིཛ་ཏཱན་དང་ ཨཕ་གྷ་ནིཛ་ཏཱན་ རྒྱལ་ཁབ་ནང་ མི་གྲངས་ ༡༢ དེ་ཅིག་ལུ་ ཤི་རྐྱེན་དང་ མི་གྲངས་ ༢༠༠ ལྷགཔ་ཅིག་ལུ་ རྨ་སྐྱོན་བྱུང་ནུག།
དེ་ཡང་ པ་ཀིཛ་ཏཱན་གྱི་ ཁེ་བེར་པཱག་ཊཱུན་ཝ་ མངའ་སྡེའི་ལུང་གཤོང་ནང་ མི་གྲངས་ ༩ ལུ་ ཤི་རྐྱེན་བྱུང་ཡོདཔ་ད་ ཨཕ་གྷ་ནིཛ་ཏཱན་ རྒྱལ་ཁབ་ནང་འབད་བ་ཅིན་ མི་གྲངས་ ༣ ལུ་ ཤི་རྐྱེན་བྱུང་ནུག་ཟེར་ཨིན་པས།
དེ་བསྒང་ བཟའ་ཚང་མང་ཤོས་ཅིག་ པར་སི་ཡན་ཟེར་མི་ ལོ་གསར་བརྩི་སྲུང་གི་དོན་ལས་ ཕྱི་ཁར་སོང་ཡོདཔ་ད་ ས་ཡོམ་དེ་ལུ་བརྟེན་ཏེ་ པ་ཀིཛ་ཏཱན་ རྒྱལ་ཁབ་ནང་ ས་རུད་ཆད་ཡོདཔ་ལས་ བརྒྱུད་འཕྲིན་དང་ འཁོར་ལམ་ཚུ་ལུ་ཡང་ གནོད་སྐྱོན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: