གསེར་ནག་ཚོང་འཐབ་མི་ ༣ འཛིན་བཟུང་།

ནོར་བུ་བཟང་མོ།
སྤྱི་ཟླ་ ༣ པའི་ཚེས་ ༢༢ ལུ་ རྒྱལ་གཞུང་འབྲུག་གི་འགག་སྡེ་གིས་ སྤ་རོ་ལུ་ གསེར་ནག་ཚོང་འཐབ་ཡོད་པའི་ དོགས་པ་ཡོད་མི་ ཕོ་སྐྱེས་ ༣ འཛིན་བཟུང་འབད་ཡོདཔ་ད་ དོགས་པ་ཅན་ ༣ གྱི་གྲས་ལས་ ༢ ལྷུན་རྩེ་ལས་དང་ ༡ དར་དཀར་ནང་ལས་ཨིན་མས།
དེ་ཡང་ རྒྱལ་གཞུང་འགག་སྡེ་ལུ་ གསང་བའི་སྙན་ཞུ་ ཐོབ་པའི་ཤུལ་ལས་ ཁོང་ ༣ བེང་ཀོག་ལས་ སྤ་རོ་ལུ་ ལོག་ལྷོདཔ་ད་ གནམ་ཐང་གི་ཕྱི་ཁར་ སྣུམ་འཁོར་བཞག་ས་ལས་ འཛིན་བཟུང་འབད་ནུག།
དེ་བསྒང་ དོགས་པ་ཅན་ཚུ་གིས་ ཁོང་རའི་ལག་ཁུར་ནང་སྦེ་ གསེར་ཀེ་ཇི་ ༧ ལྷགཔ་ཅིག་ འབག་འོང་མི་དེ་ ཅ་དམ་གྱི་ གློག་པར་འཕྲུལ་ཆས་ནང་ བརྟག་ཞིབ་མ་འབད་བས་ཟེར་ཨིན་པས།
རྒྱལ་གཞུང་འགག་སྡེ་གིས་ གནད་དོན་དེ་གི་སྐོར་ལས་ ཞིབ་སྤྱོད་འབད་བའི་བསྒང་ཡོདཔ་ད་ རྒྱལ་སྤྱིའི་ས་མཚམས་ སྒོ་ཕྱེ་བའི་ཤུལ་ལུ་ ད་རེས་ གསེར་ནག་ཚོང་འཐབ་མི་དེ་ འགོ་དང་པ་ཨིན་པའི་གནས་ཚུལ།

Please follow and like us: