འབྲུག་ཚོང་འབྲེལ་ལས་འཛིན་དང་ དཱན་ཊག་ལས་འགུལ་གྱི་བར་ན་ ས་སྣུམ་མཁོ་སྤྲོད་ཀྱི་ ཆིངས་ཡིག་བཟོ་ཡོདཔ།

འབྲུག་ལུ་ བཟོ་བསྐྲུན་གྱི་ལཱ་ཚུ་ རྒྱ་སྐྱེད་འབད་ནི་ལུ་ ཁེ་ཕན་འབྱུང་ནི་ཨིནམ་ད་ དེ་ཡང་ སྤྱི་ཟླ་ ༣ པའི་ཚེས་ ༣༡ ལུ་ དཱན་ཊག་ལས་འགུལ་དང་ འབྲུག་ཚོང་འབྲེལ་ལས་འཛིན་གྱི་བར་ན་ ཆིངས་ཡིག་ཅིག་གུ་ མིང་རྟགས་བཀོད་ནི་དེ་གིས་ཨིན་པས།
ཆིངས་ཡིག་དེ་དང་འཁྲིལ་བ་ཅིན་ འབྲུག་ལུ་ བཟོ་བསྐྲུན་གྱི་དོན་ལས་ དགོས་མཁོ་ཡོད་མི་ ས་སྣུམ་པེ་ཊཱོལ་གྱི་ འཐོན་སྐྱེད་ཚུ་ འབྲུག་ཚོང་འབྲེལ་ལས་འཛིན་གྱིས་ དཱན་ཊག་ལས་འགུལ་ལུ་ མཁོ་སྤྲོད་འབད་ནི་ཨིནམ་ལས་ ལས་སྡེ་ ༢ ཀྱི་བར་ན་ མཉམ་འབྲེལ་སྲ་བརྟན་འགྱོ་བའི་ རེ་བ་ཡོདཔ་ཨིན་པས།
མིང་རྟགས་དེ་ཡང་ དཱན་ཊག་གི་ བཟོ་རིག་འགོ་དཔོན་གཙོ་འཛིན་ངོ་ཚབ་ དམག་སྲིད་པེར་རིཏ་ར་ཝཱཏ་དང་ འབྲུག་ཚོང་འབྲེལ་ལས་འཛིན་གྱི་ བཀོད་ཁྱབ་་གཙོ་འཛིན་འགོ་དཔོན ཚེ་རིང་དབང་ཕྱུག་གིས་བཀོད་ནུག།
དཱན་ཊག་དང་ འབྲུག་ཚོང་འབྲེལ་ལས་འཛིན་གྱི་བར་ན་ ཆིངས་ཡིག་གུ་ མིང་རྟགས་བཀོད་པལ་ལུ་བརྟེན་ཏེ་ རྒྱལ་ཁབ་ནང་ དཱན་ཊག་ལས་འགུལ་གྱི་ བཟོ་བསྐྲུན་གྱི་ལཱ་ཚུ་ ཐོགས་ཆག་མེད་པར་ ལག་ལེན་འཐབ་ཚུགསཔ་ ངེས་གཏན་བཟོ་ཚུགས་པའི་ རེ་བ་ཡོདཔ་ཨིན་པའི་གནས་ཚུལ།

Please follow and like us: