ར་ཤི་ཡ་གིས་ འཛམ་གླིང་སྤྱི་ཚོགས་ སྲུང་སྐྱོབ་ཚོགས་སྡེའི་ འགན་ཁུར་ལེན་ཡོདཔ།

བི་བི་སི།
ཡུ་ཀེ་རེན་གྱིས་ འཛམ་གླིང་སྤྱི་ཚོགས་ སྲུང་སྐྱོབ་ཚོགས་སྡེའི་ འཐུས་མི་ཚུ་ལུ་ ར་ཤི་ཡ་དེ་ ཚོགས་སྡེའི་འགོ་འཛིན་སྦེ་ བསྐོ་བཞག་འབད་ནི་མེད་པའི་ ནན་བསྐུལ་འབད་ཡོད་རུང་ ར་ཤི་ཡ་གིས་ ཚོགས་སྡེའི་འགོ་འཛིན་གྱི་ འགན་ཁུར་ལེན་ནུག།
དེ་ཡང་ སྲུང་སྐྱོབ་ཚོགས་སྡེའི་ འཐུས་མི་ ༡༥ ཡོད་མི་ཚུ་ སྐོར་རྒྱབ་འབད་དེ་ ཟླ་ངོ་རེའི་ གནས་ཡུན་ཐོག་ལུ་ ཚོགས་སྡེའི་འགོ་འཛིན་འབད་ནི་གི་ སྲོལ་ཡོདཔ་ཨིན་པས།
ར་ཤི་ཡ་གིས་ སྤྱི་ལོ་ ༢༠༢༢ སྤྱི་ཟླ་ ༢ པའི་ནང་ཡང་ སྲུང་སྐྱོབ་ཚོགས་སྡེའི་ འགོ་འཛིན་ཐོག་ལས་ ཡུ་ཀེ་རེན་ལུ་ བཙན་འཛུལ་འབད་ཡོདཔ་ལས་ ད་རེས་ ར་ཤི་ཡ་ལུ་ སྲུང་སྐྱོབ་ཚོགས་སྡེའི་ འགོ་འཛིན་གྱི་ འགན་ཁུར་སྤྲོད་མི་དེ་ དམག་འཁྲུག་གི་ ཉེས་འགེལ་དང་འབྲེལ་ཏེ་ རྒྱལ་སྤྱིའི་ཁྲིམས་འདུན་ལས་ འཛིན་བཟུང་བཀའ་རྒྱ་གནང་ནི་གི་ འོས་འབབ་ཡོད་མི་ རྒྱལ་ཁབ་ཅིག་གིས་ ལྷན་ཚོགས་ཀྱི་ འགོ་འཛིན་འབད་ཡོདཔ་སྦེ་ གོ་དོན་ལེན་དགོ་ཟེར་ བཀོད་འདུག་པའི་གནས་ཚུལ།

Please follow and like us: