རྒྱ་གར་གཞུང་གིས་ ཚོང་འབྲེལ་མཐུན་རྐྱེན་གྱི་དོན་ལས་ དངུལ་ཀྲམ་ས་ཡ་ ༨༠༠ འཛིན་གྲོལ།

རྒྱ་གར་གཞུང་གིས་ ཚོང་འབྲེལ་མཐུན་རྐྱེན་ རྒྱབ་སྐྱོར་གྱི་དོན་ལས་ དངུལ་ཀྲམ་ས་ཡ་ ༨༠༠ འཛིན་གྲོལ་འབད་ཡོདཔ་ཨིན་པས།
དེ་ཡང་ རྒྱ་གར་གཞུང་གིས་ འཆར་གཞི་ ༡༢ པའི་ནང་ ཚོང་འབྲེལ་གཞི་རྟེན་དང་ ཕྱིར་ཚོང་ཡར་དྲག་ ཚོང་འབྲེལ་འཕྲུལ་སྤྱོད་ དེ་ལས་ འབྲུག་གི་སྒེར་སྡེ་ལུ་ རྒྱབ་སྐྱོར་འབད་ནིའི་དོན་ལས་ ཚོང་འབྲེལ་མཐུན་རྐྱེན་རྒྱབ་སྐྱོར་དེ་ དངུལ་ཀྲམ་ཐེར་འབུམ་ ༤ ལུ་ ཡར་སེང་འབད་ནུག།
དེ་བཟུམ་མའི་ ཚོང་འབྲེལ་མཐུན་རྐྱེན་གྱི་ རྒྱབ་སྐྱོར་ཐོག་ལས་ དོ་ཕབ་སྐྱེལ་ས་ཁོངས་ ༣ དང་ མོ་ཏང་ག་ བཟོ་གྲྭ་འཕྲུལ་ཁང་གི་ས་ཁོངས་ དབང་འདུས་ཕོ་བྲང་ལུ་ གཅིག་སྒྲིལ་བསིལ་མཛོད་ཁང་ དེ་ལས་ གསར་སྤང་དང་ བཀྲིས་སྒང་ མོང་སྒར་ལུ་ ས་སྣུམ་བླུག་ས་ཚུ་ རྐྱབ་ཡོདཔ་ཨིན་པས།
དེ་མ་ཚད་ ནང་བཟོ་དང་ བཟོ་གྲྭ་ཆུང་བ་ གོང་འཕེལ་གྱི་ གཙོ་རིམ་ལས་འགུལ་ དམ་དུམ་ལུ་ ཚོང་འབྲེལ་འགོ་བཙུགས་ལྟེ་བ་དང་ ཚོང་འབྲེལ་གཞི་བཙུགས་ལྟེ་བ་ དེ་ ལས་ རྒྱལ་འཛིན་གཙུག་ལག་སློབ་སྡེའི་འོག་ལུ་ ཕེབ་ལེབཛ་ལ་སོགས་པ་ཚུ་ལུ་ཡང་ རྒྱབ་སྐྱོར་འབད་ནུག།
སྤྱི་ཟླ་ ༤ པའི་ཚེས་ ༣ ལུ་ རྒྱ་གར་གཞུང་ཚབ་ཀྱི་ ཡིག་ཚང་ལས་ གནས་ཚུལ་གསར་བཏོན་ནང་ རྒྱལ་ཡོངས་རང་བཞིན་གྱིས་སྨིན་པའི་ གཙོ་རིམ་ལས་སྣ་དང་ འབྲུག་ཚོང་དང་ བཟོ་གྲྭ་ཚོགས་སྡེ་ དེང་སང་ ཁྲལ་གྱི་ལམ་ལུགས་དང་ ཞབས་ཏོག་ཡར་དྲག་གཏང་ནི་ལུ་ཡང་ མ་དངུལ་གྱི་ རྒྱབ་སྐྱོར་འབདཝ་ཨིན་ཟེར་ བཀོད་འདུག་པའི་གནས་ཚུལ

Please follow and like us: