ཨེན་ཌི་ཊི་ཝི།
སྤྱི་ཟླ་ ༤ པའི་ཚེས་ ༡༣ ལུ་ རྒྱ་གར་རྒྱལ་ཁབ་ནང་ མི་གྲངས་ ༧,༨༣༠ ལུ་ ནད་ཡམས་ཀོ་ཝིཌ་ ཐོབ་ཡོདཔ་ལས་ ད་ཚུན་གྱི་བར་ན་ ནད་ཡམས་ཀོ་ཝིཌ་ཐོབ་མི་ མི་གྲངས་ ༤༤,༢༡༠,༡༢༧ དེ་ཅིག་ལུ་ ལྷོད་ཡོདཔ་སྦེ་ རྒྱ་གར་གྱི་ གསོ་བའི་ལྷན་ཁག་ལས་ གསལ་བབསྒྲགས་འབད་ནུག།
དེ་ཡང་ ཉིན་བསྟར་བཞིན་དུ་ ནད་ཡམས་ཀོ་ཝིཌ་ཐོབ་མི་ བརྒྱ་ཆ་ ༤.༤ དེ་རེ་ ཐོན་དོ་ཡོདཔ་ད་ ནད་ཡམས་དེ་ལས་ མ་དྲག་པར་ཡོད་མི་དེ་ བརྒྱ་ཆ་ ༠.༡༠ དེ་ཅིག་དང་ དྲག་མིའི་ཚད་གཞི་དེ་ བརྒྱ་ཆ་ ༩༨.༧༡ ཨིནམ་སྦེ་ བཤདཔ་ཨིན་པས།
རྒྱ་གར་གཞུང་གི་ གནས་ཚུལ་འབྱུང་ཁུངས་ཅིག་དང་འཁྲིལ་བ་ཅིན་ ནད་ཡམས་ཀོ་ཝིཌ་དེ་ ས་ཁོངས་རང་སོའི་ མི་སྡེའི་ནང་ དུས་རྒྱུན་གྱི་ ནད་གཞི་ཅིག་ལུ་ འགྱུར་དོ་ཡོདཔ་ད་ ཤུལ་མའི་ཉིན་གྲངས་ ༡༠ ལས་ ༡༢ ཀྱི་བར་ན་ ཀོ་ཝིཌ་ཐོབ་མིའི་ ཚད་གཞི་དེ་ ཡར་སེང་འགྱོ་ནི་བཟུམ་ཅིག་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།
Please follow and like us:
