ཏ་ཡེ་ཝཱན་དང་གཅིག་ཁར་ མ་སྒྲིག་པ་ལུ་བརྟེན་ཏེ་ རྒྱ་ནག་གིས་ དམག་མི་གསར་བཙུགས་ཀྱི་ བཅའ་ཡིག་བསྐྱར་བཟོ།

ཨེན་ཌི་ཊི་ཝི།
རྒྱ་ནག་གིས་ ཕྱད་མདའི་དུས་སྐབས་ལུ་ དམག་མི་གསར་བཙུགས་དང་འབྲེལ་བའི་ བཅའ་ཡིག་བསྐྱར་བཟོ་འབད་མིའི་ནང་ ཉམས་མྱོང་ཡོད་མི་དང་ དཔའ་རྩལ་དྲག་ཤོས་ཡོད་མི་ཚུ་ལུ་ གཙོ་རིམ་བཀོད་དེ་ དམག་མི་གསར་བཙུགས་ཀྱི་ ལམ་ལུགས་འོས་འབབ་ཡོདཔ་ བཟོ་ནི་ཚུ་ ཚུད་དེ་ཡོདཔ་ཨིན་པས།
དེ་ཡང་ བརྟག་ཞིབ་འབད་མི་ཅིག་གིས་ བཤད་དོ་བཟུམ་འབད་བ་ཅིན་ དེ་སྦེ་ བསྐྱར་བཟོ་འབད་མི་དེ་ ཏ་ཡེ་ཝཱན་དང་གཅིག་ཁར་ ཕྱད་མདའ་རྐྱབ་ནི་ལུ་ གྲ་སྒྲིག་བཟུམ་ཅིག་ འོང་ནི་མས་ཟེར་ཨིན་པས།
བཅའ་ཡིག་བསྐྱར་བཟོ་དེ་ནང་ དམག་འཁྲུག་གི་ དུས་སྐབས་ལུ་ དམག་མི་གསར་བཙུགས་ཀྱི་ གནད་དོན་ལོགས་སུ་སྦེ་ བཙུགས་ནི་དེ་ འགོ་དང་པ་ཨིནམ་ད་ བཅའ་ཡིག་དེ་ཡང་ སྲིད་འཛིན་ཛི་ཇིན་པིང་གི་ མངོན་པར་མཐོ་བའི་ དབུ་ཁྲིད་འོག་ལུ་ རྒྱལ་ཁམས་ཀྱི་ ལྷན་ཚོགས་དང་ དྲག་པོའི་ལྟེ་བའི་ལྷན་ཚོགས་ཀྱིས་ བཏོན་ཡོདཔ་ཨིན་པས།
རྒྱ་ནག་གིས་ ཏ་ཡེ་ཝཱན་དེ་ ཁོང་གི་མངའ་ཁོངས་ཀྱི་གྲངས་སུ་ བརྩི་འཇོག་འབདཝ་བཞིན་དུ་ དྲག་པོའི་ཐོག་ལས་ ཁོང་གི་མངའ་འོག་ལུ་ བཙུགས་ཐབས་འབད་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: