ཡུ་ཨེཛ་གི་ མཁའ་ཐོག་དམག་མི་ཅིག་ལུ་ གསང་བའི་ཡིག་ཆ་ཚུ་ ཕྱི་ཤོར་གྱི་ཉེས་འཛུགས།

བི་བི་སི།
ཡུ་ཨེཛ་གི་ མཁའ་ཐོག་དམག་མི་ཅིག་གིས་ གསང་བའི་ཡིག་ཆ་དང་ སྲུང་སྐྱོབ་ཀྱི་ ཡིག་ཆ་ཚུ་ ཕྱི་ཁར་ཤོར་བཅུག་པའི་ ཉེས་པ་ལུ་བརྟེན་ཏེ་ བོཛ་ཊཱོན་གྱི་ ཁྲིམས་ཁང་ཅིག་ནང་ གཞུང་ཐོག་ཉེས་འཛུགས་འབད་ནུག།
དེ་ཡང་ སྤྱི་ཟླ་ ༤ པའི་ཚེས་ ༡༤ ལུ་ སྐྱེས་ལོ་ ༢༡ འབད་མི་ ཇེག་ཊིག་སེ་ར་དེ་ རྐང་ལག་གུ་ ལྕགས་སྒྲོགས་བཀལ་ཏེ་ བཙོན་པའི་སྒྲིག་གོ་ གྱོན་བཅུག་ཞིནམ་ལས་ གཞུང་གི་ཁྲིམས་འདུན་ལུ་ བསྐྱལ་ཡོདཔ་ད་ ཁོ་གིས་ སྲུང་སྐྱོབ་ཀྱི་ བརྡ་དོན་ཚུ་ གནང་བ་མེད་པར་ ཕྱིར་སྤེལ་འབདཝ་ལས་ ལོ་ངོ་ ༡༥ ཚུན་གྱི་ བཙོན་ཁྲིམས་སྨིན་དགོཔ་ཨིན་པས།
དེ་མ་ཚད་ གསང་བྱའི་ཡིག་ཆ་ཚུ་ གནང་བ་མེད་པར་ ཕྱིར་བཏོན་འབད་དེ་ ཁོ་རའི་ལག་པར་ བཞག་མི་ལུ་ཡང་ ཉེས་འཛུགས་འབད་ཡོདཔ་ལས་ ཉེས་འཛུགས་དང་པམ་ལུ་ ལོ་ངོ་ ༡༠ གྱི་ བཙོན་ཁྲིམས་དང་ ཉེས་འཛུགས་ ༢ པམ་ལུ་ ལོ་ངོ་ ༥ རེའི་ བཙོན་ཁྲིམས་ཕོག་ནི་ཨིན་པས།
དེ་སྦེ་ ཕྱིར་སྤེལ་འབད་མི་ ཡིག་ཆ་ཚུ་ནང་ ཡུ་ཀེ་རེན་གྱི་ ཕྱད་མདའི་སྐོར་ལས་དང་ ཨ་མི་རི་ཀའི་ མཐུན་འབྲེལ་རྒྱལ་ཁབ་ཚུ་གི་སྐོར་ལས་ བརྟག་ཞིབ་འབད་མི་ གསང་བའི་ཡིག་ཆ་ཚུ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: