རྒྱ་པཱན་གྱི་ བློན་ཆེན་ལུ་ རྫས་བམ་ཅིག་ བཀོག་ཡོད་རུང་ གནོད་སྐྱོན་མེདཔ།

རྒྱ་པཱན་ཊུ་ཌེ།
སྤྱི་ཟླ་ ༤ པའི་ཚེས་ ༡༥ ལུ་ རྒྱ་པཱན་གྱི་བློན་ཆེན་ ཕུ་མི་ཡོ་ ཀི་ཤི་ད་གིས་ ནུབ་ཕྱོགས་རྒྱ་པཱན་ལུ་ གཟིགས་སྐོར་གནང་ཐོག་ལས་ གསུང་བཤད་ཅིག་ གནང་ནི་སྦེ་ བཞུགས་པའི་སྐབས་ལུ་ མི་ཅིག་གིས་ དུ་ཐོན་རྫས་བམ་ཅིག་ བཀོག་ཡོདཔ་ཨིན་པས།
དེ་བསྒང་ བློན་ཆེན་ཀི་ཤི་ད་དེ་ ལི་བ་རཱལ་ ཌེ་མོ་ཀེ་རེ་ཊིག་ སྲིད་ཚོགས་ཀྱི་ འདེམས་ངོ་ཅིག་དང་ གསུང་གྲོས་གནང་སྟེ་ བཞུགས་ཡོདཔ་ལས་ གནོད་སྐྱོན་ག་ནི་ཡང་ མ་བྱུངམ་ད་ རྫས་བམ་བཀོག་མི་དེ་ དེ་འཕྲལ་ལས་ར་ ཁྲིམས་སྲུང་འགག་པ་ཚུ་གིས་ འཛིན་བཟུང་འབད་ནུག།
བློན་ཆེན་ཀི་ཤི་ད་དེ་ ཝ་ཀ་ཡ་མ་མངའ་སྡེའི་ མཚོ་འགྲམ་གྱི་ས་གནས་ སའི་ཀ་ཟ་ཀི་ལུ་ ཚོགས་ཁང་འོག་མའི་ དུས་མིན་བཙག་འཐུའི་དོན་ལུ་ བསྐུལ་བསྒྲགས་ནང་ བྱོན་ཡོད་རུང་ གསུང་བཤད་གནང་ནི་དེ་ ཆ་མེད་བཏང་དགོཔ་ ཐོན་ནུག་ཟེར་ བཀོད་འདུག་པའི་གནས་ཚུལ།

Please follow and like us: