རྒྱ་གར་མུམ་བ་ཡེ་དང་ པུ་ནེའི་མགྱོགས་ལམ་ཁར་ སྣུམ་འཁོར་ཊག་ཅིག་གི་ བཀག་འཕྲུལ་མེདཔ་ཐལ་ཏེ་ སྣུམ་འཁོར་ལེ་ཤ་ཅིག་ལུ་གནོད་སྐྱོན།

ཨེན་ཌི་ཊི་ཝི།
སྤྱི་ཟླ་ ༤ པའི་ཚེས་ ༢༧ ལུ་ རྒྱ་གར་མུམ་བ་ཡེ་དང་ པུ་ནེའི་མགྱོགས་ལམ་ཁར་ སྣུམ་འཁོར་ཊག་ཅིག་གི་ བཀག་འཕྲུལ་མེདཔ་ཐལ་ཡོདཔ་ལས་ འཁོར་ལམ་བདའ་སྟེ་ རྒྱུན་འགྲུལ་འཐབ་མི་ སྣུམ་འཁོར་ལེ་ཤ་ཅིག་ལུ་ གནོད་སྐྱོན་བྱུང་ཡོདཔ་མ་ཚད་ མི་ ༤ ལུ་ རྨ་སྐྱོན་ཡང་བྱུང་ནུག།
དེ་ཡང་ སྣུམ་འཁོར་ཊག་དེ་གིས་ སྣུམ་འཁོར་གཞན་ ༡༢ ལུ་ ཕོག་ཡོདཔ་ད་ ནད་པའི་སྐྱེལ་འདྲེན་སྣུམ་འཁོར་ ༡ གིས་གཙོས་པའི་ སྣུམ་འཁོར་ ༧ དང་ ༨ ཀྱི་བར་ན་ གཅིག་གིས་གཅིག་ལུ་ཕོག་སྟེ་ སྣུམ་འཁོར་དེ་ཚུའི་ནང་ཡོད་མི་ལུ་ གནོད་སྐྱོན་བྱུང་ཡོདཔ་ཨིན་པས།
དེ་མ་ཚད་ སྤྱི་ཟླ་འདི་གི་ ཟླ་འགོ་ལུ་ཡང་ མུམ་བ་ཡེ་དང་ པུ་ནེའི་མགྱོགས་ལམ་ཁར་ སྣུམ་འཁོར་ཀཱར་ཅིག་གིས་ སྣུམ་འཁོར་ཊག་ཅིག་གུ་ བརྡུངས་པ་ལུ་བརྟེན་ཏེ་ མི་ ༤ ལུ་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: