རྒྱ་ནག་གིས་ ཡུ་ཀེ་རེན་དང་ ར་ཤི་ཡ་ལུ་ ཞི་བདེའི་དོན་ལས་ ངོ་ཚབ་གཏང་ནི།

ཨེ་བི་སི།
བདུན་ཕྲག་ཤུལ་མའི་ནང་ལས་ ཡུ་ཀེ་རེན་དང་ ར་ཤི་ཡའི་བར་ན་ སྲིད་དོན་ཅིག་གི་དོན་ལས་ མ་འགྲིགས་པར་ཡོད་མི་ རྒྱལ་ཁབ་ ༢ ལུ་ དམིགས་བསལ་གྱི་ ངོ་ཚབ་གཏང་ནི་ཨིན་ཟེར་ རྒྱ་ནག་གི་ ཕྱི་འབྲེལ་བློན་པོ་གིས་ བཤད་ཡོདཔ་ཨིན་པས།
ངོ་ཚབ་དེ་ཡང་ ཧེ་མ་ ཡུ་རོབ་དང་ ཨེ་ཤི་ཡའི་ དོན་གཅོད་ནང་ དམིགས་བསལ་ངོ་ཚབ་དང་ མོཛ་ཀོ་ལུ་ རྒྱ་ནག་གི་ གཞུང་ཚབ་འབད་མི་ ལི་ཧུའི་ཨིནམ་ད་ ཁོ་གིས་ པོ་ལེན་དང་ ཕ་རཱནཛ་ དེ་ལས་ ཇར་མ་ནི་ རྒྱལ་ཁབ་ཚུ་ནང་ཡང་ འགྱོ་ནི་ཨིན་པས།
རྒྱ་ནག་གིས་ ཡུ་ཀེ་རེན་དང་ ར་ཤི་ཡའི་བར་ན་ ཕྱད་མདའ་རྐྱབ་མི་ལུ་ རྒྱ་ནག་དེ་ བར་གནས་རྒྱལ་ཁབ་ཅིག་ཨིན་ཟེར་ བཤད་ཡོད་རུང་ ར་ཤི་ཡ་དང་གཅིག་ཁར་ མཚམས་ཚོད་མེད་པའི་ མཐུན་ལམ་བཞག་ནི་སྦེ་ གསལ་བསྒྲགས་འབད་ནུག།
མ་གཞི་ རྒྱ་ནག་གིས ཡུ་ཀེ་རེན་གྱི་དོན་ལུ་ ཞི་བདེའི་འཆར་གཞི་ཅིག་ བརྩམས་བཏང་མི་ལུ་ ཡུ་ཀེ་རེན་གྱི་ རྒྱབ་སྐྱོར་པ་ཚུ་གིས་ ར་ཤི་ཡ་གིས་ གནོད་འཚུབ་མཚམས་འཇོག་འབད་དེ་ དམག་མི་ཚུ་ ཡུ་ཀེ་རེན་ལས་ བཏོན་བདའ་བའི་ཤུལ་ལུ་མ་གཏོགས་ ཐག་བཅད་མ་ཚུགསཔ་སྦེ་ ཆ་བཞག་མ་བཏུབ་པས་ཟེར་ བཀོད་འདུག་པའི་གནས་ཚུལ།

Please follow and like us: