མཐའ་ཡས་ལེན་གྱི་ བཙག་འཐུའི་ནང་ བློན་ཆེན་པར་ཡཱུད་ལུ་ དོ་འགྲན་ཅན་གྱི་གནས་སྟངས།

རོའི་ཊརཛ།
སྤྱི་ཟླ་ ༥ པའི་ཚེས་ ༡༤ ལུ་ མཐའ་ཡས་ལེན་ རྒྱལ་ཁབ་ནང་ སྤྱིར་བཏང་བཙག་འཐུའི་དོན་ལས་ དོ་འགྲན་མང་པའི་སྟབས་ཀྱིས་ བློན་ཆེན་པར་ཡཱུད་ ཅཱན་ཨོ་ཅ་དེ་ རྒྱབ་ཁར་ལུས་ཏེ་ཡོད་རུང་ ཧེ་མར་ དམག་སྡེ་གཞུང་གིས་ བརྩམས་བཞག་མི་ བཙག་འཐུའི་སྒྲིག་གཞི་དང་འཁྲིལཝ་ད་ དྲག་པོའི་གཙོ་འཛིན་བགྲེསཔ་ཅིག་འབདཝ་ལས་ བཙག་འཐུའི་ནང་ལས་ བཏོན་བཏང་ཐབས་མེདཔ་ཨིན་པས།
སྐྱེས་ལོ་ ༦༩ འབད་མི་ པར་ཡཱུད་དེ་ སྤྱི་ལོ་ ༢༠༡༤ ལོར་ དྲག་པོའི་གཞུང་སྐྱོང་སྐབས་ལུ་ ཡིག་ཚང་འཆང་ཡོདཔ་ད་ སྤྱི་ལོ་ ༢༠༡༩ ལོར་ རྩོད་ཉོག་ཆེ་བའི་ བཙག་འཐུ་དང་ སྤྱི་ལོ་ ༢༠༢༠ ལུ་ མི་མང་གི་ངོ་རྒོལ་ དེ་ལས་ སྤྱི་ཚོགས་ནང་ ཡིད་ཆེས་མེད་པའི་ ཚོགས་རྒྱན་ཐེངས་ ༤ རེ་བསྐྱུར་རུང་ བློན་ཆེན་གྱི་གོ་གནས་ལས་ བཏོན་བཏང་མ་ཚུགསཔ་ཨིན་པས།
ད་རེས་ ཁོ་གིས་ མཐའ་ཡས་ལེན་གྱི་ གཅིག་བསྒྲིལ་གྱི་ལམ་སྲོལ་ལུ་ བརྩི་མཐོང་དང་ མི་དབང་སྐུ་འཁོར་ལུ་ གུས་ཞབས་ཡོད་ལུགས་ཀྱི་ རྒྱུད་བསྐུལ་ཐོག་ལས་ ད་རུང་ཡང་ བློན་ཆེན་གྱི་ གནས་ཡུན་ཅིག་གི་དོན་ལུ་ བརྩོན་ཤུགས་བསྐྱེདཔ་ཨིན་རུང་ རྩ་ཁྲིམས་ཆེན་མོའི་ནང་ གནས་ཡུན་གྱི་ མཐོ་ཚད་བཀོད་མི་ལྟར་དུ་འབད་བ་ཅིན་ ཁོ་གིས་ ལོ་ངོ་ ༢ ལས་རྒལ་ཏེ་ གོ་གནས་ཁར་ སྡོད་མི་ཆོག་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: