ར་ཤི་ཡ་གིས་ ཡུ་ཀེ་རེན་གྱི་ རྒྱལ་ས་ཀི་ཡེབ་ལུ་ མི་ཛ་ཡེལ་བཏང་ཐོག་ལས་ གནོད་འཚུབ་ལན་ཐེངས་ ༩ བཀལ་ཡོདཔ།

བི་བི་སི།
ར་ཤི་ཡ་གིས་ སྤྱི་ཟླ་འདི་ནང་ར་ ཡུ་ཀེར་རེན་གྱི་ རྒྱལ་ས་ཀི་ཡེབ་ལུ་ མཁའ་དམག་ཐོག་ལས་ གནོད་འཚུབ་ལན་ཐེངས་ ༩ བཀལ་ནུག།
དེ་ཡང་ ཀི་ཡེབ་ཁྲོམ་སྡེའི་སྤྱི་ཁྱབ་ ཝི་ཊ་ལི་ ཀི་ལིཛ་ཀོ་གིས་ བཤད་དོ་བཟུམ་འབད་བ་ཅིན་ མི་ཛ་ཡེལ་ཚུ་ གནམ་ཁར་གཏོར་བཏང་པའི་ ཚིག་རོ་ཚུ་ལུ་བརྟེན་ཏེ་ མངའ་སྡེ་ཅིག་ནང་ མེ་འབར་ཡི་ཟེར་ཨིན་པས།
དེ་མ་ཚད་ ཡུ་ཀེ་རེན་གྱི་ དབུས་ཕྱོགས་ས་གནས་ ཝི་ནི་ཙ་དང་ ཁེ་ལེམ་ནིཊ་ཀི་ ཞི་ཏོ་མིར་ཚུ་གི་ནང་ཡང་ རྫས་བམ་གས་པའི་ སྒྲ་སྐད་ཚུ་ གོ་ཡོད་རུང་ དམག་སྡེའི་འཛིན་སྐྱོང་འགོ་འཛིན་གྱིས་ རྒྱལ་ཁབ་ནང་འོང་མི་ མི་ཛ་ཡེལ་ཚུ་ག་ར་ མེདཔ་བཏང་ཚུགས་ཅི་ཟེར་བཤད་ནུག།
སྤྱི་ཟླ་ ༥ པའི་ཚེས་ ༡༧ ལུ་ ས་གནས་ཁེར་སཱོན་ཟེར་སར་ ཨ་ལོ་སྐྱེས་ལོ་ ༥ འབད་མི་ཅིག་བརྩིས་ཏེ་ མི་གྲངས་ ༨ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ མི་གྲངས་ ༡༧ དེ་ཅིག་ལུ་ཡང་ རྨ་སྐྱོན་བྱུང་ཡོདཔ་ཨིན་པས།
ནུབ་ཕྱོགས་རྒྱལ་ཁབ་ཁག་གི་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ཡུ་ཀེ་རེན་གྱི་ དམག་མི་ཚུ་གིས་ ར་ཤི་ཡའི་ བཙན་འཛུལ་ལུ་ གདོང་ལན་གྱི་དོན་ལས་ ཕྱད་མདའ་རྐྱབ་ནི་ལུ་ སྔར་བ་དྲགཔ་སྦེ་ གྲ་སྒྲིག་སོང་སྟེ་ཡོད་ཟེར་ཨིནམ་ད་ དེ་ཡང་ ཡུ་ཀེ་རེན་གྱི་ དམག་མི་ཚུ་གིས་ ས་འོག་ལུ་ རྫས་བམ་ཚུ་བཙུགས་ཏེ་ སྒྲིང་སྒྲིང་སྦེ་ཡོད་པའི་ ལོ་རྒྱུས་ཚུ་ཡོདཔ་ཨིན་པས།
དེ་འབདཝ་ལས་ ཡུ་ཀེ་རེན་གྱི་ ཁ་ཐུག་ལས་ ས་ཁོངས་ཚུ་ ལེན་ཐབས་འབད་ནི་ལས་ལྷག་སྟེ་ ར་ཤི་ཡའི་སྲིད་འཛིན་ ཝེལ་ཌི་མིར་པུ་ཊིན་གྱིས་ དམག་འཁྲུག་སྐོར་ལས་ བསམ་བློ་བསྐྱར་ཞིབ་འབད་ནི་ལུ་ ཡིད་ཆེས་ཡོདཔ་ བཟོ་ནི་དེ་ གལ་ཆེ་བའི་སྐོར་ལས་ གྲོས་བསྡུར་ཚུ་ཡང་ འབད་དོ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: