རྒྱ་ནག་གི་ ཞི་བདེའི་འཆར་གཞི་དེ་ ཡུ་ཀེ་རེན་གྱི་ས་ཆ་ ར་ཤི་ཡ་ལུ་ ཤོར་ནི་མེདཔ་སྦེ་བཟོ་དགོཔ།

ཨཱལ་ཇ་ཟི་ར།
ཡུ་ཀེ་རེན་གྱི་ ཕྱི་འབྲེལ་བློན་པོ་གིས་ རྒྱ་ནག་གི་ ཆེ་མཐོའི་ངོ་ཚབ་ལུ་ བཤད་མིའི་ནང་ ར་ཤི་ཡ་དང་གཅིག་ཁར་ དམག་འཁྲུག་འཇོམས་ཐབས་ལུ་ ཡུ་ཀེ་རེན་གྱི་ ས་ཆ་ཚུ་ ར་ཤི་ཡ་ལུ་ ཤོར་ནི་དང་ ཡང་ཅིན་ དམག་འཁྲུག་དེ་ མཚམས་འཇོག་རྐྱངམ་གཅིག་གི་ གྲོས་འདེབས་ལུ་ ངོས་ལེན་མི་འབད་ཟེར་ བཤད་ཡོདཔ་ཨིན་པས།
དེ་ཡང་ ཕྱི་འབྲེལ་བློན་པོ་ ཌི་མི་ཊོ་ ཀུ་ལེ་བ་གིས་ རྒྱ་ནག་གི་ངོ་ཚབ་ ལི་ཧུའི་དང་གཅིག་ཁར་ རྒྱལ་ས་ཀི་ཡེབ་ལུ་སྦེ་ ཞལ་འཛོམས་ཅིག་ འཚོགས་པའི་སྐབས་ལུ་ གསལ་བཤད་འབད་ནུག།
རྒྱ་ནག་གི་ ཆེ་མཐོའི་ངོ་ཚབ་ ལི་ཧུའི་དེ་ ཡུ་རོབ་དང་ ཨེ་ཤི་ཡའི་ལས་དོན་ནང་ རྒྱ་ནག་གི་ དམིགས་བསལ་ངོ་ཚབ་ཨིནམ་ད་ ཧེ་མ་འབད་བ་ཅིན་ ར་ཤི་ལུ་ གཞུང་ཚབ་སྦེ་ སྡོད་ཡོདཔ་ཨིན་པས།
ཞལ་འཛོམས་སྐབས་ལུ་ ཀུ་ལེ་བ་གིས་ ཞི་བདེ་བསྐྱར་གསོ་འབད་ནི་དེ་ ཡུ་ཀེརེ་ན་གྱི་ རང་དབང་དང་ ས་ཁོངས་ཀྱི་ དྲང་བདེན་ལུ་ བརྩི་བཀུར་ཡོད་མེད་གུ་ གཞི་རྟེན་འབད་དགོཔ་སྦེ་ བཤད་ནུག་ཟེར་ བཀོད་འདུག་པའི་གནས་ཚུལ།

Please follow and like us: