རྒྱ་གར་གྱི་ དངུལ་ལོར་ ༢༠༠༠ འབད་མི་ཆ་མེད།

ཨེན་ཌི་ཊི་ཝི།

རྒྱ་གར་རྒྱལ་ཁབ་ནང་ གནས་གོང་མཐོ་ཤོས་ཀྱི་ རུ་པི་ ༢༠༠༠ འབད་མི་ དངུལ་ལོར་བཀྲམ་སྤེལ་དེ་ ཆ་མེད་བཏང་སྟེ་ ལོག་བསྡུ་ནིའི་དོན་ལས་ ཟླཝ་ ༤ གི་ དུས་ཚོད་བྱིན་ཡོདཔ་བཞིན་དུ་ དངུལ་ལོར་དེ་ཚུ་ ཟླ་ངོ་ ༤ གི་ ནང་འཁོད་ལུ་ བརྗེ་སོར་དང་ ཡང་ཅིན་ དངུལ་ཁང་ནང་ བཙུགས་དགོཔ་ཨིན་པས།

དེ་ཡང་ རུ་པི་ ༢༠༠༠ འབད་མི་ དངུལ་ལོར་ཚུ་ སྤྱོད་ནི་གི་ དུས་ཚོད་ཡོལ་བ་ལུ་བརྟེན་ཏེ་ ལོག་བསྡུ་དགོཔ་ ཐོན་ཡོདཔ་ད་ རྒྱ་གར་ལུ་ དངུལ་ལོར་བཀྲམ་སྤེལ་ཡོངས་བསྡོམས་ལས་ བརྒྱ་ཆ་ ༡༠ དེ་ཅིག་ རུ་པི་ ༢༠༠༠ གི་ དངུལ་ལོར་ཚུ་ཨིན་པས་ཟེར་ གསལ་བསྒྲགས་ནང་བཀོད་ནུག།

རྒྱ་གར་གྱི་ རི་ཛབ་བེང་ཨོཕ་ ཨིན་ཌི་ཡ་ཟེར་མི་ དངུལ་ཁང་ལྟེ་བ་གིས་ དེ་བཟུམ་མའི་ གྲོས་ཐག་བཅད་མི་དང་བསྟུན་ཏེ་ རྒྱན་ཆའི་ཚོང་ཁང་ཚུ་ནང་ དངུལ་ལོར་ཚུ་ གསེར་དང་ བརྗེ་སོར་འབད་མི་ ལེ་ཤ་ཅིག་ ཐོན་ཡོདཔ་ཨིན་པས།

ཨིན་རུང་ སྤྱི་ལོ་ ༢༠༡༦ ལུ་ དངུལ་ལོར་བརྒྱ་ཆ་ ༨༦ དེ་ཅིག་ ཆ་མེད་བཏང་མི་དང་ཕྱདཔ་ད་ ད་རེས་ཀྱི་ ཆ་མེད་དེ་ ག་ནི་ཡང་མིན་ཟེར་ བཀོད་ཡོདཔ་ད་ ཧེ་མར་ དངུལ་ལོར་ཆ་མེད་བཏང་པའི་ དུས་སྐབས་ནང་འབད་བ་ཅིན་ དངུལ་ལོར་བརྗེ་སོར་འབད་བར་ འགྱོ་མི་ཚུ་ གྱལ་བསྣར་ཏེ་སྡོདཔ་ད་ དྲན་མེད་བརྒྱལ་བའི་ཁར་ ལ་ལོ་ཅིག་ལུ་ ཤི་རྐྱེན་ཡང་ བྱུང་ནུག་ཟེར་ བཀོད་འདུག་པའི་གནས་ཚུལ།