རྒྱ་ནག་རྒྱལ་ཁབ་ནང་ ནད་ཡམས་ཀོ་ཝིཌ་དེ་ ཡང་བསྐྱར་ཐོན་ཡོདཔ།

ཨེན་བི་སི།
རྒྱ་ནག་རྒྱལ་ཁབ་ནང་ ནད་ཡམས་ཀོ་ཝིཌ་དེ་ ཡང་བསྐྱར་ཐོན་ཡོདཔ་ལས་ སྤྱི་ཟླ་ ༦ པ་ མཇུག་བསྡུའི་ནང་འཁོད་ལུ་ ནད་གཞི་ཐོབ་མི་ གྱངས་ཁ་མཐོ་དྲགས་གུ་ལྷོད་དེ་ བདུན་ཕྲག་རེར་ མི་གྲངས་ས་ཡ་ ༦༥ དེ་རེ་ལུ་ ནད་གཞི་དེ་ འཐོབ་ནི་བཟུམ་ཅིག་འདུག་ཟེར་ཨིན་པས།
དེ་ཡང་ སྤྱི་ལོ་ ༢༠༡༩ ལུ་ ནད་ཡམས་ཀོ་ཝིཌ་ འགོ་དང་པ་བྱུང་སའི་ རྒྱ་ནག་རྒྱལ་ཁབ་ནང་ ནད་ཡམས་དང་འབྲེལ་བའི་ སྒྲིག་གཞི་ཚུ་ ག་ནི་བ་ཡང་ དམ་དམ་སྦེ་ ལག་ལེན་འཐབ་སྟེ་འབད་རུང་ ད་རེས་ འགྱུར་བ་སོང་སྟེ་ ཀོ་ཝིཌ་ཨེགཛ་བི་བི་ཟེར་མི་ ཐོན་ཡོདཔ་ད་ ཨིན་རུང་ ཧེ་མར་ ཀོ་ཝིཌ་ཚད་འཛིན་གྱི་དོན་ལས་ བཟོ་བསྐྲུན་འབད་མི་ གཞི་རྟེན་མཁོ་ཆས་ཚུ་་ བཤུབ་ཚར་ཡོདཔ་ཨིན་པས།
དེ་མ་ཚད་ ཧེ་མར་ མི་མང་ག་ར་གིས་ ནད་ཡམས་ཀོ་ཝིཌ་དེ་ལུ་ འདྲོག་འབྱེལ་འཐབ་སྲོལ་ཡོད་རུང་ ད་རེས་ནངས་པར་ ག་གིས་ཡང་ འདྲོག་མི་བཏུབ་པས་ཟེར་ བཀོད་འདུག་པའི་གནས་ཚུལ།

Please follow and like us: