འབྲུག་གི་ཁྲལ་ཡངས་ཚད་འཛིན་གྱིས་ བལྟ་བཤལཔ་དང་ འབྲུག་པའི་མི་ཁུངས་ཚུ་ལུ་ གསེར་ཚོང་ལག་ལེན།

འབྲུག་གི་ཁྲལ་ཡངས་ཚད་འཛིན་གྱིས་ བལྟ་བཤལཔ་དང་ འབྲུག་པའི་མི་ཁུངས་ཚུ་ལུ་ གསེར་ལེགས་ལྡན་ཚུ་ ཁྲལ་ཡངས་ཆག་ཐོག་ལས་ བཙོང་ནི་འགོ་བཙུགས་ཡོད་པའི་ གསལ་བསྒྲགས་འབད་ནུག།
དེ་ཡང་ ཁྲལ་ཡངས་ཐོག་གི་ འཐོན་སྐྱེད་ཚུ་ ཚོང་འབྲེལ་འཐབ་ནི་ལུ་ རྒྱ་སྐྱེད་ཀྱི་ ཐབས་ལམ་སྦེ་ གསེར་སྤུས་དག་ཚུ་ དོ་འགྲན་ཅན་གྱི་ གོང་ཚད་ཁར་ བཙོང་ནི་ཨིནམ་ད་ རིན་དངུལ་དེ་ ཡུ་ཨེཛ་ཌོ་ལར་ནང་ སྤྲོད་དགོཔ་ཨིན་པས།
འབྲུག་གི་ཁྲལ་ཡངས་ཚད་འཛིན་དེ་ རྒྱལ་ཁབ་ནང་ ཁྲལ་ཡངས་ཅ་ཆས་ཀྱི་ བསིལ་ཚོང་འཐབ་མི་དང་པ་ཨིནམ་ད་ ལྷམ་པ་མ་འདྲཝ་སྦེ་ཡོད་མི་ སྤུས་ཚད་ཅན་གྱི་ འཐོན་སྐྱེད་ཚུ་ བཙོང་ནི་དང་གཅིག་ཁར་ གནས་ཚད་མཐོ་བའི་ ཞབས་ཏོག་བྱིན་ནི་དང་ ཚོང་མགྲོན་ཚུ་གི་ ཁ་གསལ་ཚུ་ཡང་ གསང་བྱའི་ཐོག་ལུ་ བཞག་ནི་གི་ ཁས་ལེན་འབད་ནུག།
ཚོང་མགྲོན་པ་ཚུ་གིས་ ཕུན་ཚོགས་གླིང་དང་ ཐིམ་ཕུ་ལུ་ཡོད་མི་ ཁྲལ་ཡངས་ཚད་འཛིན་དང་མཉམ་ཅིག་དང་ ཡང་ཅིན་ ཕུན་ཚོགས་གླིང་ལུ་ འབྲུག་གི་དངུལ་ཁང་གི་ཡན་ལག་ཡིག་ཚང་ནང་ སུམ་བིར་རའི་དང་གཅིག་ཁར་ འགྲུལ་འཕྲིན་ཨང་ ༡༧༤༧༧༧༤༡ དང་ ཐིམ་ཕུ་ལུ་ ཆུ་བར་ཆུ་ལུ་ ཕུབ་དབང་འདུས་དང་གཅིག་ཁར་ འགྲུལ་འཕྲིན་ཨང་ ༡༧༤༥༥༥༥༣ གྱི་ཐོག་ལས་ འབྲེལ་བ་འཐབ་དགོཔ་སྦེ་ བཀོད་ཡོད་པའི་གནས་ཚུལ།

Please follow and like us: