རྒྱ་པཱན་གྱི་ ཁྲིམས་འདུན་ལས་ ཕོ་མོ་མཚན་མ་གཅིག་པའི་བར་ན་ གཉེན་སྦྱོར་བཀག་དམ།

རོའི་ཊརཛ།
སྤྱི་ཟླ་ ༦ པའི་ཚེས་ ༨ ལུ་ རྒྱ་པཱན་གྱི་མངའ་སྡེ་ ཕུ་ཀུ་ཨོ་ཀ་ཁྲིམས་འདུན་གྱིས་ ཕོ་མོ་མཚན་མ་གཅིག་པའི་བར་ན་ གཉེན་སྦྱོར་འབད་མ་སྟེར་མི་དེ་ རྩ་ཁྲིམས་དང་མ་འཁྲིལ་བའི་ གནས་རིམ་ཅིག་ཨིནམ་སྦེ་ བཤད་ཡོདཔ་ལས་ གཉེན་སྦྱོར་འདྲ་མཉམ་གྱི་དོན་ལུ་ བརྩོན་ཤུགས་བསྐྱེད་མི་ཚུ་གི་ རེ་བ་བསྐང་མ་ཚུགསཔ་ཨིན་པས།
ཕུ་ཀུ་ཨོ་ཀ་ ཁྲིམས་འདུན་གྱི་ གྲོས་ཆོད་དེ་ མངའ་སྡེ་ཁྲིམས་འདུན་ གཞན་མི་ཅིག་གིས་ཡང་ དེ་བཟུམ་མའི་ གཉེན་སྦྱོར་འབད་མ་སྟེར་མི་དེ་ རྩ་ཁྲིམས་ལས་ འགལ་བ་ཨིནམ་སྦེ་ བཤད་ཡོདཔ་ད་ ཊོ་ཀི་ཡོའི་ ཁྲིམས་འདུན་ཅིག་ལས་ དེ་བཟུམ་མའི་ མི་སྡེ་ལུ་ ཁྲིམས་དོན་ཉེན་སྲུང་མེད་མི་དེ་ འགྲོ་མིའི་དབང་ཆ་ལས་ཡང་ འགལ་བ་ཨིནམ་སྦེ་བཤད་ནུག།
གནད་དོན་དེ་གི་སྐོར་ལས་ རྒྱ་པཱན་རྒྱལ་ཁབ་ནང་ བསམ་འཆར་བསྡུ་ལེན་དང་འཁྲིལཝ་ད་ མི་མང་བརྒྱ་ཆ་ ༧༠ དེ་ཅིག་གིས་ དེ་བཟུམ་མའི་ གཉེན་སྦྱོར་འབད་ཆོག་དགོ་ཟེར་ སླབ་ཨིན་རུང་ གཞུང་སྐྱོང་གི་ཁ་ཐུག་ལས་ཡང་ རྒྱབ་འགལ་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: