ཀོ་ལོམ་བི་ཡའི་ ནག་ཚལ་ནང་ གནམ་གྲུ་ས་ཁར་བུད་དེ་ ཉིན་གྲངས་ ༤༠ གི་ཤུལ་ལས་ ཨ་ལོ་ ༤ གསོན་པོ་སྦེ་ཐོབ་ཡོདཔ།

ཨཱལ་ཇ་ཟི་ར།
སྤྱི་ཟླ་ ༦ པའི་ཚེས་ ༡༠ ལུ་ ཀོ་ལོམ་བི་ཡའི་ ནགས་ཚལ་སྟུག་དྲགས་ཅིག་ནང་ གནམ་གྲུ་ཅིག་ ས་ཁར་བུད་དེ་ བདུན་ཕྲག་ ༥ ལྷགཔ་ཅིག་གི་ཤུལ་ལས་ གནམ་གྲུ་དེ་ནང་ འགྲུལ་བསྐྱོད་འབད་མི་ སྐྱེས་ལོ་ ༡༣ དང་ ༩ འབད་མི་དང་ དེ་ལས་ ༤ དང་ ཟླཝ་ ༡༢ འབད་མི་ ཨ་ལོ་ ༤ མ་ཤི་བར་ གསོན་པོ་སྦེ་ ཐོབ་ཡོདཔ་ཨིན་པས།
ཨ་ལོ་ཚུ་ཡང་ ཀོ་ལོམ་བི་ཡའི་ མི་སྡེའི་ནང་ལས་ཨིནམ་ད་ ཁོང་ཆ་ཁྱབ་ ས་གནས་ཀེ་ཀེ་ཊ་དང་ གུ་ཝ་བི་ཡ་རེའི་ ས་མཚམས་ཁར་ གནམ་གྲུ་ཆུང་ཀུ་ཅིག་ བུད་ས་ལས་ དམག་མི་ཚུ་གིས་ ཐོབ་ཡོདཔ་སྦེ་ཨིན་པས།
གནམ་གྲུ་ཆུང་བ་ སེཛ་ན་དེ་ འགྲུལ་པ་ ༧ འབག་སྟེ་ ཨེ་མེ་ཟོ་ནཱཛ་ མངའ་སྡེའི་ས་གནས་ ཨ་ར་ར་ཀུ་ཨ་ར་དང་ སཱན་ཡོ་སེ་ ཌེལ་གུ་ཝ་བི་ཡ་རེ་ ཁྲོམ་སྡེའི་བར་ན་ སྤྱི་ཟླ་ ༥ པའི་ཚེས་ ༡ གི་དྲོ་པར་ འཕུར་འགྲུལ་འབད་ཡོདཔ་ད་ གནམ་གྲུ་དེ་ ས་ཁར་མ་བུད་པའི་ཧེ་མར་ འཕྲུལ་མེདཔ་ཤོར་ཡོད་པའི་ ཉེན་བརྡ་ཅིག་ཡང་ གོ་ཡོདཔ་ཨིན་པས།
ཐུག་རྐྱེན་དེ་ནང་ གནམ་གྲུའི་འདེད་དཔོན་དང་ འགྲུལ་པ་ ༣ ལུ་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: