རྒྱ་པཱན་ལུ་ གནམ་གྲུ་ ༢ ཐུག་རྐྱེན་བྱུངམ་ལས་ གནམ་ཐང་རྒྱུགས་ལམ་བཀག་དམ།

ཨེན་ཌི་ཊི་ཝི།
སྤྱི་ཟླ་ ༦ པའི་ཚེས་ ༡༠ ལུ་ རྒྱ་པཱན་གྱི་རྒྱལ་ས་ ཊོ་ཀི་ཡོ་ལུ་ ཧ་ནེ་ཌ་གནམ་ཐང་ནང་ གནམ་གྲུ་ ༢ ཀྱི་བར་ན་ ཐུག་རྐྱེན་བྱུང་ཡོདཔ་ལས་ གནམ་གྲུ་ལ་ལོ་ཅིག་ དུས་ཚོད་ཁར་ འཕུར་མ་ཚུགས་པར་ ལུས་སོངཔ་ཨིན་པས།
མ་གཞི་ ཐུག་རྐྱེན་དེ་ནང་ གནོད་སྐྱོན་ག་ནི་ཡང་ མ་བྱུང་རུང་ གནམ་ཐང་གི་ རྒྱུགས་ལམ་ ༤ བཀག་དམ་འབད་དེ་ བཞག་དགོཔ་བྱུང་ནུག།
དེ་བསྒང་ གནམ་ཐང་དེ་ནང་ ཨེ་བ་མཁའ་འགྲུལ་གྱི་ གནམ་གྲུ་ ༡ དང་ མཐའ་ཡས་མཁའ་འགྲུལ་གྱི་ གནམ་གྲུ་ ༡ གི་བར་ན་ ཐུག་རྐྱེན་བྱུང་པའི་སྐབས་ལུ་ མཐའ་ཡས་མཁའ་འགྲུལ་གྱི་ གནམ་གྲུའི་གཤོག་པ་ཡ་ ༡ ཆག་དཀྲུམ་ཤོར་ཡོདཔ་བཟུམ་ཅིག་དང་ རྒྱུགས་ལམ་ཁར་ གནམ་གྲུའི་ཆ་ཤས་བཟུམ་ཚུ་ མཐོང་དོ་ཡོདཔ་སྦེ་ རྒྱང་མཐོང་ནང་ གསལ་སྟོན་འབད་ནུག་ བཀོད་འདུག་པའི་གནས་ཚུལ།.

Please follow and like us: