རྒྱ་གར་ཨ་སམ་ལུ་ ཆུ་རུད་ཐོན་ཏེ་ མི་གྲངས་ ༣༤,༠༠༠ དེ་ཅིག་ལུ་གནོད་སྐྱོན།

ཨེན་ཌི་ཊི་ཝི།
འདས་པའི་ཉིན་གྲངས་ ཁ་ཤས་ཀྱི་ནང་ ཆརཔ་ཤུགས་སྦེ་ རྐྱབ་ནི་དེ་གིས་ རྒྱ་གར་ཨ་སམ་མངའ་སྡེ་ལུ་ དུས་ཅི་ ཆུ་རུད་ཐེངས་དང་པ་ ཐོན་ཡོདཔ་ད་ དེ་ཡང་ ཆརཔ་རྒྱུན་ཆད་མེད་པར་ རྐྱབ་པ་ལུ་བརྟེན་ཏེ་ རྫོང་ཁག་ ༡༡ གི་ ས་ཁོངས་ཚུ་ ཆུ་གིས་གང་སྟེ་ མི་གྲངས་ ༣༤,༠༠༠ ལྷགཔ་ཅིག་ལུ་ གནོད་སྐྱོན་བྱུང་ནུག།
ཉིན་བསྟར་གྱི་ ཆུ་རུད་སྙན་ཞུ་དང་ ཨ་སམ་རྐྱེན་ངན་འཛིན་སྐྱོང་དབང་འཛིན་གྱིས་ བཤད་དོ་བཟུམ་འབད་བ་ཅིན་ བར་མ་པུ་ཏ་ར་དང་ གཙང་ཆུ་གཞན་ཚུ་ཡང་ སྦོམ་ཐལ་ཡོདཔ་ལས་ ས་གནས་ཁག་ཚུ་གི་ནང་ ཉེན་ཁའི་མཐོ་ཚད་ལས་བརྒལ་བའི་ གནས་ཚད་ཁར་ ལྷོད་དེ་ཡོད་ཟེར་ཨིན་པས།
དེ་བཟུམ་མའི་ ཆུ་རུད་ལུ་བརྟེན་ཏེ་ ཨམ་སྲུ་ ༡༤,༦༧༥ དང་ ཨ་ལོ་ ༣,༧༨༧ ལུ་ གནོད་སྐྱོན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: