རྒྱལ་ཁབ་ནང་གི་ སློབ་དཔོན་ཚུ་ དགོངས་ཞུ་འགྱོ་མི་ལུ་བརྟེན་ཏེ་ སློབ་གྲྭ་ཁག་གི་ནང་ སློབ་དཔོན་མ་ལང་པའི་དཀའ་ངལ།

དབྱངས་ཅན་ལྷ་མོ།
རྒྱལ་ཁབ་ནང་ སློབ་གྲྭ་ཁག་གི་ སློབ་དཔོན་ཚུ་ དགོངས་ཞུ་འབད་དེ་ འགྱོ་མི་དང་ སློབ་གྲྭ་ཁག་ལུ་ སློབ་དཔོན་མ་ལང་པའི་ དཀའ་ངལ་ཡོདཔ་ལས་ སློབ་ཕྲུག་གི་ཕམ་ཚུ་ ཚ་གྱང་ཅན་གྱི་ གཞི་ཅིག་ལུ་ འགྱུར་ཏེ་ཡོདཔ་ཨིན་པས།
དེ་ཡང་ དུས་ཅི་ སྤྱི་ཟླ་ ༡ པ་ལས་ སྤྱི་ཟླ་ ༥ པའི་ཚེས་ ༣༡ ཚུན་གྱི་ ནང་འཁོད་ལུ་ར་ ཤེས་རིག་དང་ སློབ་སྦྱོང་སྤེལ་ཁང་ཚུ་གི་ནང་ལས་ སློབ་དཔོན་ ༥༤༧ དེ་ཅིག་གིས་ དགོངས་ཞུ་འབད་ནུག།
ཨ་ལོའི་ཕམ་ཚུ་གིས་ བཤད་དོ་བཟུམ་འབད་བ་ཅིན་ སློབ་གྲྭ་ཁག་གི་ སློབ་དཔོན་ཉམས་མྱོང་ཡོད་མི་ཚུ་ མང་ཤོས་ཅིག་ར་ དགོངས་ཞུ་འབད་དེ་ འགྱོ་བའི་ཤུལ་ལས་ སློབ་དཔོན་གསརཔ་ ཉམས་མྱོང་མེད་མི་ཚུ་ བཙུགས་པ་ལུ་བརྟེན་ཏེ་ སློབ་ཕྲུག་ཚུ་གི་ ཤེས་ཡོན་ལུ་ ཐོ་མི་ཕོག་ག་མནོ་བའི་ ཚ་གྱང་ཡོད་ཟེར་ཨིན་པས།
དེ་མ་ཚད་ སློབ་དུས་ཕྱེད་ཀ་ལས་ སློབ་དཔོན་ཚུ་ དགོངས་ཞུ་འགྱོ་མི་ལུ་བརྟེན་ཏེ་ སློབ་ཕྲུག་ཚུ་གིས་ སློབ་སྟོན་འབད་ཐངས་གསརཔ་ལུ་ གོམས་འདྲིས་ཚུད་ནིའི་ནང་ ལཱ་ཁག་རྐྱབ་ནི་ཨིནམ་ལས་ སློབ་ཕྲུག་ཚུ་གི་ ཤེས་ཡོན་ལུ་ ཧེང་བཀལ་ར་ ཐོ་ཕོག་ནི་ཨིན་པའི་ ཚ་གྱང་ཡང་ ལངམ་ཨིན་པས།
ག་དེ་སྦེ་ཨིན་རུང་ ཤེས་རིག་ལྷན་ཁག་གི་ ཁ་ཐུག་ལས་ སློབ་དཔོན་གསརཔ་ བཙུགས་ནི་གི་ དབང་ཚད་ག་ར་ རྫོང་ཁག་བདག་སྐྱོང་ལུ་ སྤྲོད་དེ་ཡོདཔ་མ་ཚད་ ལོ་ན་ཚང་མི་ སློབ་དཔོན་ཚུ་ཡང་ དང་འདོད་ཡོད་པ་ཅིན་ འཕྲོ་མཐུད་དེ་ར་ གན་འཛིན་སློབ་དཔོན་སྦེ་ བཞག་ནི་གི་ འཆར་གཞི་ཡོདཔ་ལས་ སློབ་དཔོན་མ་ལང་པའི་ དཀའ་ངལ་དེ་ འཕྲལ་མགྱོགས་ར་ བསལ་ཚུགས་ནི་ཨིན་པའི་གནས་ཚུལ།

Please follow and like us: