ཐིམ་ཕུ་ལྕགས་རི་རྡོ་རྗེ་གདན་ལྷ་ཁང་གི་ དབུ་རྩེ་གུ་ གསེར་ཏོག་བཀལ་བའི་ མཛད་སྒོའི་རྟེན་འབྲེལ།

སྤྱི་ཟླ་ ༦ པའི་ཚེས་ ༢༣ ལུ་ མི་དབང་རྒྱལ་ཡུམ་ ཚེ་རིང་གཡང་སྒྲོན་དབང་ཕྱུག་མཆོག་དང་ མི་དབང་རྒྱལ་སྲས་ འཇིགས་མེད་རྣམ་རྒྱལ་མཆོག་གིས་ ལྕགས་རི་ལྷ་ཁང་གི་ དབུ་རྩེ་གུ་ གསེར་ཏོག་བཀལ་བའི་ རྟེན་འབྲེལ་ནང་ དབུ་བཞུགས་མཛད་གནང་ཡི།
གསེར་ཏོག་གི་ མཛད་སྒོའི་རྟེན་འབྲེལ་དེ་ཡང་ གཞུང་གྲྭ་ཚང་གི་ རྡོ་རྗེ་སློབ་དཔོན་མཆོག་གིས་ མཛད་གནང་ཡོདཔ་ད་ དེ་ཡང་ དྲོ་པ་ཧ་སག་ ལྕགས་རིའི་རིང་བསྲེལ་ འགངས་ཅན་ཚུ་ མགོན་ཁང་གསར་པའི་ནང་ གདན་འདྲེན་ཞུ་ནུག།
ལྕགས་རི་ལྷ་ཁང་དེ་ སྤྱི་ལོ་ ༡༦༢༠ ལུ་ ཞབས་དྲུང་ངག་དབང་རྣམ་རྒྱལ་མཆོག་གིས་ བཞེངས་གནང་ཡོདཔ་ད་ འབྲུག་གི་ཆོས་སྲིད་གཉིས་ཀྱི་ འབྱུང་རབས་ནང་ གལ་གནད་ཆེ་ཤོས་ཅིག་ཨིན་པས།
ལྕགས་རི་ལྷ་ཁང་དེ་ ཉམས་གསོ་སྦོམ་སྦེ་ར་ ཞུ་དོ་ཡོད་མི་དེ་ཡང་ སྲོལ་འཛིན་དང་ རྫོང་ཁ་གོང་འཕེལ་ལས་ཁུངས་ཀྱིས་ བལྟ་རྟོག་འོག་ལུ་ སྤྱི་ལོ་ ༢༠༡༦ ལས་ འགོ་བཙུགས་ནུག།
མི་ལོ་ ༤༠༠ འཁོར་མི་ ལྷ་ཁང་དེ་གི་ ཉམས་གསོའི་ལས་སྣའི་གྲས་ཁར་ ལྷ་ཁང་ནང་འཁོད་ལུ་ རྒྱ་ཆེ་བའི་ སྒྲིག་བཀོད་བསྐྱར་བསྐྲུན་གུ་ ཕྱིའི་ཉེན་སྲུང་ལེགས་སྒྱུར་དང་ བཙན་ཐབས་ཚུ་དང་བཅསཔ་སྦེ་ སྤྱི་ལོ་ ༢༠༢༤ ལུ་ མཇུག་བསྡུ་ཚུགས་པའི་ རེ་བ་ཡོདཔ་ཨིན་པའི་གནས་ཚུལ།

Please follow and like us: