སྤ་རོ་རིན་སྤུངས་གྲྭ་ཚང་ནང་ ཨྱོན་གུ་རུ་རིན་པོ་ཆེའི་ གསོལ་འདེབས་འབུམ་ཕྲག།

རང་ཟླ་ ༥ པའི་ཚེས་ ༡ སྤྱི་ཟླ་ ༦ པའི་ཚེས་ ༡༩ ལས་ སྤ་རོ་རིན་སྤུངས་གྲྭ་ཚང་ནང་ བླམ་གནས་བརྟན་མཆོག་ དབུ་བཞུགས་ཐོག་ལས་ བླ་སློབ་དང་ དགེ་སློང་ཞལ་གྲངས་ ༡༢༠ དེ་ཅིག་གིས་ བདུན་ཕྲག་ ༡ གི་རིང་ལུ་ ཨྱོན་གུ་རུ་རིན་པོ་ཆེའི་ གསོལ་འདེབས་འབུམ་ཕྲག་ བསགས་གནངམ་ཨིན་པས།
དེ་ཡང་ རྒྱལ་ཁབ་ནང་ ནད་མུག་འཁྲུག་རྩོད་ལ་སོགས་པའི་ རྐྱེན་ངན་ཚུ་ བཟློག་ཐབས་ལུ་ ལོ་བསྟར་བཞིན་དུ་ གནང་དོ་ཡོདཔ་ད་ རང་ཟླ་ ༥ པའི་ཚེས་ ༧ སྤྱི་ཟླ་ ༦ པའི་ཚེས་ ༢༥ ལུ་ འགྲོལ་གནང་ནི་ཨིན་པས།
དེ་ལས་ རང་ཟླ་ ༥ པའི་ཚེས་ ༨ སྤྱི་ཟླ་ ༦ པའི་ཚེས་ ༢༦ ལས་ རང་ཟླ་ ༥ པའི་ཚེས་ ༡༠ སྤྱི་ཟླ་ ༦ པའི་ཚེས་ ༢༨ ཚུན་ ཉིན་གྲངས་ ༣ གྱི་རིང་ལུ་ སྤ་རོ་རྫོང་གི་ ཕུར་པའི་ལྷ་ཁང་ནང་སྦེ་ རྒྱལ་ཁབ་ཀྱི་ སྐུ་རིམ་ལུ་དམིགས་ཏེ་ ལོ་བསྟར་གྱི་ ཕུར་པའི་སྒྲུབ་ཆེན་ གནང་ནི་གི་ ལས་རིམ་ཡོདཔ་ཨིན་པའི་ གནས་ཚུལ་མདོར་བསྡུས།

Please follow and like us: