རྒྱ་ནག་གི་ མཁའ་དམག་གནམ་གྲུ་ ༡༡ ཏ་ཡེ་ཝཱན་གྱི་ ཡུར་ཆེན་གུ་ལས་ཕར་འཕུར་འགྲུལ།

རོའི་ཊརཛ།
ཏ་ཡེ་ཝཱན་གྱིས་ སྤྱི་ཟླ་ ༦ པའི་ཚེས་ ༣༠ ལུ་ རྒྱ་ནག་གི་ གནམ་གྲུ་ ༡༡ ཏ་ཡེ་ཝཱན་གྱི་ རྒྱ་མཚོ་དང་མཐུན་པའི་ ཡུར་ཆེན་གུ་ལས་ཕར་ འཕུར་ཡོདཔ་སྦེ་ བཤད་ཡོདཔ་ད་ ཡུར་ཆེན་དེ་ རྒྱ་ནག་དང་ ཏ་ཡེ་ཝཱན་གྱི་ གཞུང་འབྲེལ་མིན་པའི་ ས་མཚམས་བཟུམ་ཅིག་སྦེ་ བརྩིཝ་ཨིན་པས།
རྒྱ་ནག་གིས་ ཏ་ཡེ་ཝཱན་དེ་ ཁོང་གི་ས་ཁོངས་ཨིན་པའི་ ཐོབ་བརྗོད་བཀོད་དེ་ འཕྲལ་འཕྲལ་སྦེ་ར་ མཁའ་དབྱིངས་སྲུང་སྐྱོབ་ས་ཁོངས་ཀྱི་ ལྷོ་ནུབ་མཚམས་ལུ་ རྒྱ་ནག་གི་ དམག་མི་ཚུ་ འཕུར་འགྲུལ་འབད་དོ་ཡོད་པའི་ ཉོག་བཤད་བཀོད་ནུག།
དེ་མ་ཚད་ ཏ་ཡེ་ཝཱན་གྱི་ ཉེ་འདབས་ལུ་ མགྱོགས་ཤུགས་ཅན་གྱི་ མཁའ་དམག་གནམ་གྲུ་ཇེཊ་དང་ གས་རྫས་བཀོག་མི་ གནམ་གྲུ་ཚུ་བརྩིས་ཏེ་ རྒྱ་ནག་གི་ མཁའ་དམག་གནམ་གྲུ་ ༢༤ གནམ་ཁར་འཕུར་ནི་དང་འབྲེལ་ གཅིག་སྒྲིལ་ཕྱད་མདའའི་ གྲ་སྒྲིག་ལུ་ དམག་གྲུ་ ༥ ཡང་ རྒྱ་མཚོའི་ནང་ལས་ཕར་ མཐོང་ཡོདཔ་སྦེ་ ཏ་ཡེ་ཝཱན་གྱིས་ བཤད་ཡོདཔ་ཨིན་པས།
ཏ་ཡེ་ཝཱན་གྱིས་ ཁོང་རའི་གནམ་གྲུ་དང་ མཚོ་གྲུ་ཚུ་ རྒྱ་ནག་གི་ གནམ་གྲུ་དང་ མཚོ་གྲུ་ཚུ་ བདའ་བཏང་ནི་གི་ ཐབས་ཤེས་སྒྲིགཔ་མ་ཚད་ ས་ཐོག་མི་ཛ་ཡེལ་ཚུ་ཡང་ གྲ་སྒྲིག་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: