རྒྱ་གར་གྱིས་ ནང་འཁོད་ཚོང་ལམ་ བྱ་སྟབས་བདེ་ཐབས་ལུ་ ཆུམ་ཕྱིར་ཚོང་བཀག་དམ།

སི་ཨེན་ཨེན།
རྒྱ་གར་གྱིས་ བཱཛ་མ་ཏི་མིན་པའི་ ཆུམ་གྱི་རིགས་ཚུ་ ཕྱིར་བཙོང་འཐབ་ནི་ལས་ བཀག་དམ་འབད་ཡོདཔ་ད་ དེ་ཡང་ རྒྱ་གར་གཞུང་གིས་ སྤྱི་ཟླ་ ༧ པའི་ཚེས་ ༢༠ ལས་ བཀག་དམ་འབད་ནུག།
ཆུམ་ཕྱིར་ཚོང་འཐབ་མི་ ལས་སྡེ་ ༤ གིས་ བཤད་དོ་བཟུམ་འབད་བ་ཅིན་ ཁོང་གིས་ ཌོ་ལར་ཐེར་འབུམ་ ༡.༤ དེ་ཅིག་གནས་མི་ ཆུམ་ཕྱིར་ཚོང་གི་ གན་རྒྱ་ཚུ་ ཆ་མེད་གཏང་དགོཔ་ འབྱུང་ནི་མས་ཟེར་ཨིན་པས།
རྒྱ་གར་ལས་ ཟླཝ་རེའི་ནང་ བཱཛ་མ་ཏི་མིན་པའི་ ཆུམ་གྱི་རིགས་ མེ་ཊིག་ཊཱོན་ ༥༠༠,༠༠༠ དེ་རེ་ ཕྱིར་ཚོང་འཐབ་མི་དེ་ འཛམ་གླིང་ནང་ ཆུམ་ཕྱིར་ཚོང་བསྡོམས་ལས་ བརྒྱ་ཆ་ ༤༠ དེ་ཅིག་ཨིནམ་ད་ རྒྱ་གར་གཞུང་གིས་ ཆུམ་ཕྱིར་ཚོང་བཀག་དམ་འབད་མི་དེ་ཡང་ ཁོང་རའི་རྒྱལ་ཁབ་ཀྱི་ ནང་འཁོད་ཚོང་ལམ་ བྱ་སྟབས་བདེ་ཏོག་ཏོ་བཟོ་ཐབས་ལུ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: